أحمد حلمي يكشف سر استمرار زواجه من منى زكي لـ20 عاما

نادين يوسف | فى حياة المشاهير

أحمد حلمي

الثلاثاء , 3 أكتوبر 2023 - 23:10 | اخر تحديث: الثلاثاء , 3 أكتوبر 2023 - 23:10

كشف الفنان أحمد حلمي عن سر استمرار زواجه من منى زكي لقرابة الـ20 عاما.

وقال خلال حواره مع الإعلامي أنس بوخش في برنامج ABtalks "الناس بتقول أن بعد سنين من الجواز الحب بيختفي لكن في جملة كانت ضمن فيلم، واحد الأبطال وضح الفرق بين الحب قبل الزواج وبعده وقال أن المرحلة الأولى اسمها مرحلة الوقوع في الحب لكن الحب استقرار وهناك خلط بين المرحلتين وعرفت أن دة حاجة منطقية لأن في البداية الاتنين بيكونوا مجهولين لبعض فبيكون في شغف".

أحمد حلمي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع "متزوج من منى زكي من عام 2002 والجواز حياة أخرى وأهم شيء في الزواج هو الوصول للغة الثالثة لأن الرجل عنده لغة بيتكلمها والست عندها لغة بتتكلمها وزي ما يكون هو بيتكلم انجليزي وهي فرنساوي وفي لغة تالتة مشتركة وهي أن الاتنين يتعلموا لغات بعض، ومهم أن الراجل يقرى كتالوج الست والست تقرى كتالوج الراجل"

أحمد حلمي

وتحدث أحمد حلمي عن أحد أشهر المقولات في العلاقة بين الزوجين وقال "بيتقال أن لما مراتك تبقى متخانقة في الشغل أو مع صاحبتها وانت تقول رأيك وتلبس قبعة الحكيم هي هتضايق وانت مش هتفهم ليه اضايقت لانها عايزة تتسمع بس وبعد ما تخلص أسألها عن رأيها وبعدها قول رأيك"

نرشح لك: تامر أمين: العلماء وأبطال أكتوبر لهم أولوية قبل تدريس سيرة سميحة أيوب في مناهجنا

كمان لما الراجل بيكون مضايق ومراته تساله مالك فالمفروض تسيبه لوحده واحيانا لو حكى مشكلته لصاحبه دة بيخليها تحس أنها مش مهمة بس بعد شوية هو هيحكيلها عن المشكلة"