رامي صبري يستعيد ذكريات عمله في فرقة محمد الحلو: مفيش حاجة اسمها حظ صدق نفسك هتوصل

نهال ناصر | فى موسيقى وحفلات

رامي صبري

الثلاثاء , 26 سبتمبر 2023 - 14:51 | اخر تحديث: الثلاثاء , 26 سبتمبر 2023 - 14:51

وجه الفنان رامي صبري رسالة إلى جمهوره ليعطيهم الأمل في تحقيق النجاح، متذكرا بداياته الفنية عندما كان يغني في كورال وراء الفنان محمد الحلو.

ونشر رامي صبري صورة مقسمة لقسمين الأولى في بدايته وهو ضمن كورال فرقة محمد الحلو والثانية من آخر حفل أحياه في الكويت قبل أيام وكتب: "صورة من 23 سنة تقريبا الفرق بينهم كبير جدا في الصورة اللي فوق كنت بشتغل كورال مع الفنان الكبير محمد الحلو وكنت وقتها ببتدي اشتغل علشان أفهم يعني إيه مسرح وجمهور وإزاي اتعامل مع الناس في الشغل. وكنت دايما عارف إنها مرحلة (تعليمية) وهاتمشي مش هقف عندها علشان كده مكانش عندي طموح فيها. فضلت اشتغل كورال مع معظم النجوم ساعتها لحد ما لحنت لفضل شاكر وعامر منيب الله يرحمه وبعدين شيرين أول ما ابتدت. وكل ده عارف إن هدفي لسه مجاش.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

رامي صبري أثناء مشاركته في فرقة محمد الحلو

وتابع رامي صبري: "الصورة اللي تحت بعد كل اللي فات والتعب والمجهود الكبير جدا ربنا كرمني كرم كبير جدا وميزني من وسط فنانين كتيره جدا وخلاني أكون واحد من أهم نجوم العالم العربي، الموضوع كله صدقني في (الطموح) لو إنت بتحب نفسك ومؤمن بنفسك وعندك الإصرار إنك هتوصل لمكان إنت مش فيه دلوقتي صدقني هتوصل بس تصدق نفسك ومفيش حاجه اسمها (حظ) دي كلمه محصلتش معايا، مع حبي للموسيقى وطموحي وأنا ماشي فيها في واحد معايا في نفس الصورتين وهو أخي وصديق العمر والموزع الموسيقي وعازف الكيبورد الأستاذ محمد سمير. هو كمان طموحه كبير جدا وابتدي معايا في الصورة اللي فوق لحد ما بقي أحد أهم موسيقيين مصر وبيلعب مزيكا مع أهم نجوم عالمنا العربي، ولسه مكمل معايا من 23 سنه لحد الآن وهو مدير فرقتي الموسيقية".

نرشح لك: نيشان ساخرا من غياب ياسمين عز بحفل منتدى الإعلام العربي: يمكن بتحضّر صوتها الشتوي (فيديو)

تعيلق رامي صبري

واختتم كلامه: "عاوز أقول في الآخر طموحك وحبك لنفسك هيوصلك ماترميش شماعة الظروف على نفسك وتقول ظروفي وحظي وتدخل في مود مش هيوصلك لحاجة، هتوصل هتوصل صدقني اشتغل على نفسك أوي وحط في نفسك إنك أهم واحد في العالم ولازم الناس كلها تعترف بيك، وأول ما هتنجح كله هيجري وراك ويسقف لك".

نصائح رامي صبري للشباب

يشار إلى أن رامي صبري أحيا حفلا غنائيا ضمن حفلات "موسم الكويت" بحضور جماهيري كبير.

حفل رامي صبري في الكويت

وقدم رامي صبري مجموعة من أشهر أغانيه خلال الحفل منها "يمكن خير" و"خاصمت الشوارع" وغيرها من الأغنيات التي تفاعل معها الجمهور.

اقرأ أيضا:

طلاق شريف منير وزوجته لورا عماد

محمد صلاح عزب يهاجم هادي الباجوري: في خط درامي كامل تم إضافته علشان مرات المنتج تمثل (فيديو)

بدأت مشوارها مع الإعلانات وانتقلت من "سوق المتعة" إلى عش الزوجية ... مالا تعرفه عن لورا عماد بعد انفصالها عن شريف منير

من بينها عدم الرد على الانتقادات … 3 أسباب وراء حب الجمهور لسلمى أبو ضيف

لا يفوتك: تحليل النغمات مع عمك البات تقييم أغنية "الصبر جميل" لمهى فتوني

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5