لقاء الخميسي: اتخنت مرة في حياتي

FilFan | فى حياة المشاهير

لقاء الخميسي

الأحد , 24 سبتمبر 2023 - 00:09 | اخر تحديث: الأحد , 24 سبتمبر 2023 - 00:09

كشفت الفنانة لقاء الخميسي عن تعرضها للخيانة مرة في حياتها في علاقة عاطفية سابقة قبل ارتباطها بحارس المرمى الشهير محمد عبد المنصف.

قالت لقاء الخميسي: "أنا اتخنت مرة واحدة، من واحد كنت عارفة إنه يعرف بنات كتير، ولما عرفت بالخيانة سيبته، مش بواجه خالص، مش همشي وأنا مريحاه، مش لسه هقوله هو عمل إيه، هو يقعد يفرك يشوف هو عمل إيه، وأنا بختفي، وبيبقى الحد ده نفسه يعرف إيه الحصل، عاقب نفسك واقعد فكر"، وذلك حسب لقائها في برنامج In Deep الذي يقدمه الفنان تامر شلتوت.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

لقاء الخميسي

وتابعت: على مدار حياتي متخانتش من أصدقاء كتير، لإني باخد بالي أنا بصاحب مين عشان بخاف أوي، وفيه ناس ضربت من تحت الحزام بس هما مش مهمين في حياتي، وبرضو في ناس مهمين عملوا معايا كده وزعلت أوي واتأثرت ومكنتش مصدقة، ومردتش على الإهانة اللي اتقالتلي ومعاتبتش لإني عارفة من جوايا إني كبيرة، لو حد عايز حاجة ييجي يقولي لكن ميأذنيش في مشاعري، تعالي قوليلي سيبيلي الدور ده ونقعد ونتناقش، لكن هتلف من ورايا مش عايزة أعرفك تاني.

وأضافت: ده حصل معايا كتير، بس بقيت بتسامح دلوقتي، ولما حد يأذيني وأنا أسامحه ده هيوجعه أكتر وضميره هيأنبه، وبرجع أبارك للشخص ده، وهو عارف إنه أذاني، يبقى هو اللي ضميره هيتأنب.

لقاء الخميسي

وعن علاقاتها قبل الزواج، قالت: قبل ما أتجوز، الحاجة اللي كانت بتجذبني للراجل، إنه يكون عنده أي صفة من صفات أبويا، وده مش دايما بيبقى حلو لإنها مش بتتحسب كده، وخدت فوق دماغي كتير، كنت بدور على حاجة شبه الراجل ده وبدور على بابايا، لحد ما ربنا هداني وعرفت محمد عبد المنصف.

اقرأ أيضا:

محمد العدل يوضح: أحمد عصام ليس ابن ريم العدل وهناك من أساء الفهم

أنغام تلتف بالعلم السعودي احتفالا بالعيد الوطني الـ93 للمملكة (فيديو)

تعرف على سبب وفاة أحمد عصام عضو فريق مسرحية "تشارلي"

أيمن الشيوي ناعيا أحمد عصام: شاب متدين ومثلنا مع بعض امبارح
لا يفوتك: تحليل النغمات مع عمك البات تقييم أغنية "الصبر جميل" لمهى فتوني

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5