حورية فرغلي: زعلت من والدتي لما طلبت مني أغسل خالتي

FilFan | فى حياة المشاهير

حورية فرغلي

الأحد , 17 سبتمبر 2023 - 14:04

كشفت الفنانة حورية فرغلي أصعب المواقف التي مرت بها، خلال حياتها.

إذ أشارت إلى أنها كانت في إحدى الليالي تتناول العشاء مع والدتها وخالتها، وفوجئت بأن خالتها فاضت روحها إلى بارئها وهم على ترابيزة الغداء، وهو الامر الذي تسبب لها في ازمة كبيرة ،خاصة بعد أن طلبت منها والدتها أن تشارك في غسل خالتها.

حورية فرغلي

وتحدثت حورية فرغلي عن كواليس هذا اليوم، خلال لقاؤها مع الإعلامي تامر شلتوت، في برنامج في العمق، موضحةً: خالتي كانت معايا أنا وأمي وقعدين بنتعشى، فجأة وطت راسها أفتكرتها نامت، بنصحيها مبتصحاش، جبنالها الدكتور قال ماتت، وربطوا راسها لفوق، لتاني يوم عشان كان يوم شم النسيم، والناس أجازة.

حورية فرغلي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حورية فرغلي

وتابعت حورية فرغلي: تاني يوم المُغسلة جت الصبح، قالت لماما محتاجين حد من عندكم يكون معانا عشان الصيغة اللي لبساها، ماما قالت لي قومي غسلي خالتك عيب، بصيت لبنتها وقلت طب قومي أنتِ، أنا عمري ما شُفت حد ميت قبل كدة.

وأضافت حورية فرغلي: مشيت ورا المُغسلة، ومكنتش عارفة أنا خايفة ولا مرعوبة، شيلنا المخدة لقينا راسها أتخشبت لأن بقالها كتير متوفية، وبعد ما خرجت قعدت جمب جوز ماما، قالي برافوا يا ريريت، كدة أتغفر لك 50 كبيرة من الكبائر، قُلت له مش كنت أعملهم الاول، وزعلت من ماما جدًا بسبب الموقف ده.

واستكملت حورية فرغلي: بربي كلاب في بيتنا، وكانوا بيدخولوا معايا كل مكان في الشقة، لكن بعد وفاة خالتو عمرهم ما دخلوا الأوضة اللي خالتي توفت فيها، مدخلوهاش لمدة سنة، ودي كانت من أغرب الأشياء اللي لاحظتها من الكلاب، عمري ما خفت من الموت لكن بفكر في شكلي هبقا عاملة إزاي لما أموت، وأكون مكان خالتو.

وبرنامج In Deep في العمق، يقدمه الإعلامي تامر شلتوت، عبر قناته الرسمية على موقع الفيديوهات الشهير يوتيوب، ويعرض يوم السبت من كل أسبوع، ويستضيف الإعلامي خلال حلقات البرنامج مجموعة من نجوم الفن.

اقرأ أيضا:

محمود حجازي يرقص على "الليلة دوب" في حفل زفافه

حورية فرغلي تروي تفاصيل دفنها في "ساحرة الجنوب": الترب تشبه ثلاجات الموتى ... ونفسي أموت

محمد فراج يرد على استياء الجمهور من دفاعه عن داليا شوقي

الصور الأولى من عقد قران محمود حجازي على فتاة من خارج الوسط الفني في أمريكا

لا يفوتك: أول ظهور لابنة الفنانة ريم رؤوف.. ماما سرقت حلمي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5