عندي صندوق حيل لمواجهته… ماذا قال عمرو سلامة عن التنمر

نادين يوسف | فى حياة المشاهير

عمرو سلامة

الثلاثاء , 12 سبتمبر 2023 - 21:09 | اخر تحديث: الثلاثاء , 12 سبتمبر 2023 - 21:09

كشف المخرج عمرو سلامة عن تعرضه للتنمر أثناء دراسته، كما تحدث عن فضل التنمر عليه وكيف يتعامل معه حاليا.

قال عمرو سلامة خلال حواره مع برنامج The you in human أنه كان جرب العديد من أنواع الفنون من أجل إبهار زملائه في الفصل.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عمرو سلامة

قال عمرو سلامة "من وانا صغير عارف اني بحب الفن لكن مش عارف عايز ايه بالظبط بس من وانا صغير كان عندي حب للتجربة وسذاجة جميلة بحمد ربنا عليها لأن كان عندي اقتناع تام أن أي حاجة هعملها هعرف اعملها كويس وطبعا مع مرور الوقت عرفت أن دة مش حقيقي واعتقد دة كان سببه غرور شخصي ورغبه في ابهار الفصل لأن كان دايما بيتم التنمر عليا في كل المدارس اللي روحتها في أكتر من دولة"

وتابع "ويمكن دة كان بسبب رفعي أو أسباب أخرى وانا جربت أنواع فن كتير لاني كنت محتاج أن زمايلي يحبوني وحتى لما دخلت الجامعة دخلت كلية تجارة ومكنتش مهتم بيها وجربت حاجات كتير في الجامعة ومكنش عندي خوف من التجربة فكنت دي جي واتعلمت اسباني واتعلمت ماركتينج ودعاية واعلان ونظمت رحلات لغاية لما اكتشفت شغفي بالخدع السينمائية واشتغلت فيها شوية والإخراج جيه بالصدفة ولقيت أن الإخراج والكتابة بتجمع كل الفنون اللي حبيتها وانا كان عندي غرور وكنت حاسس اني قائد"

عمرو سلامة

وأضاف "أنا حاليا مدين للتنمر اللي حصلي في المدرسة لانه بيدفعك أنك تثبت أنك مش الشخص اللي هما فاكرينه وطبعا في ناس التنمر بيكسرها لكن أنا شوفته كدة وعلى اد ما كان مؤلم وانا لغاية انهاردة بيتنمروا عليا على تويتر بس دلوقتي بشوفها بشكل أفضل وبقى عندي صندوق حيل للتعامل مع التنمر"

نرشح لك: بدأت من "ركن الأطفال" مع بابا شارو وقدمت أول بطولة في عمر 17 عاما واعتزلت من أجل ابنها … ما لا تعرفه عن "الثائرة المتمردة" كريمان

وعن أكثر الشخصيات المعرضة للتنمر عليهم قال "وانا بشوف أن المتنمر بيدور على الضحية اللي عايزة تأكيد أن الناس بتحبها فاكتر شخص عايز الناس تحبه وتقوله برافو هو انسب ضحية للمتنمر ودة بيبان من بوست على منصات التواصل الاجتماعي أو حركة في الفصل وهو اكتر واحد مش واثق في نفسه أو مهزوز وانا كنت كدة لاني كنت كل يوم بفكر هبهر الناس ازاي فالشخص اللي باين أنه جعان اهتمام هو أكثر ضحايا للتنمر"

عمرو سلامة

وتابع "بشوف ناس كتير اونلاين بيدورا على كلمة برافو وببقى عارف أن لو جاله ألف كومنت بيقولوله برافو وواحد بس قاله تعليق سلبي ببقى عارف أنه هيتكسر من التعليق السلبي"

وعن تخلصه من تأثير التنمر عليه قال "أيام ما كنت متدين اوي كان في حاجة اسمها "تصحيح النية" ودي معناها أنك حتى لو هتلعب كورة فخد نية أنك رايح تلعب علشان جسمك يبقى كويس ودي حاجة هتبسط ربنا وانا دلوقتي عملت تصحيح نية في أنا لية بقيت مخرج، زمان كنت عايز ابهر الناس لكن دلوقتي أنا مش بخرج علشان حد يقولي برافو أنا عايز انبسط اني طلعت فكرة واني عملت خطوة زيادة في قدراتي ولما صححت النية دلوقتي تسقيف الناس قيمته قلت عندي ونجاحي الاهم هي اني عبرت عن نفسي"

وأضاف "هي رحلة طويلة ومفيش حاجة واحدة بس غيرتني واول حاجة العلاج النفسي واكتر شخص محتاج العلاج النفسي هو الشخص اللي شايف أن معندوش مشاكل، وانا وصلت للعلاج النفسي بسبب أن عندي مشاكل ملموسة زي مشكلة في النوم وجربت كل حاجة قبل العلاج النفسي، كمان القراية مهمة وشجاعة المواجهة وانك تعيش لوحدك مهم."

يذكر أن عمرو سلامة عرض له فيلم "برة المنهج" مع ماجد الكدواني، روبي، الطفل عمر شريف، أسماء أبو زيد وغيرهم نخبة من النجوم.

اقرأ أيضا:

محسن جابر: الإغراءات المادية ميلت دماغ أنغام وأمنيتي أنتج لشيرين عبد الوهاب

حسام داغر لـ"في الفن": اشتريت غرفة سامية جمال علشان متروحش لحد ميعرفش قيمتها وأنا عاشق للأنتيكات

وائل جسار يكشف حقيقة شجاره بالأيدي مع صابر الرباعي: أعوذ بالله

شيرين: عادل إمام بخير وبيرد عليا ... لو عاوزين تموتونا جمعونا في ميدان واخلصوا

لا يفوتك: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5