عمرو سلامة: انفصلت عن زوجتي الأولى رغم حبي لها وجملة شجعتني على اتخاذ القرار

نادين يوسف | فى حياة المشاهير

عمرو سلامة

الثلاثاء , 12 سبتمبر 2023 - 19:43 | اخر تحديث: الثلاثاء , 12 سبتمبر 2023 - 19:43

تحدث المخرج عمرو سلامة عن تفاصيل في حياته الشخصية وعن الفرق بين زواجه الأول والثاني، والتغييرات التي حدثت في حياته وأدت لانفصاله الأول عن زوجته.

قال عمرو سلامة في حوار له مع برنامج "The you in in human " أن طلاقه الأول تم بشكل متحضر وانفصل عن زوجته بسبب تغييرات في شخصيتهما ورؤيتهما للمستقبل على الرغم من أن الحب كان موجود بينهما.

عمرو سلامة

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

قال عمرو سلامة "الفرق بين أول مرة اتجوز وتاني مرة اتجوز هو أن أول مرة كنت عايز اتجوز وقابلت واحدة وعجبتني فاتجوزنا بس كنت شايف اني عايز اتجوز وقابلت حد فاتجوزنا فكان الجواز في خطتي ودة مكنش ضغط من المجتمع وكنت بدور على مواصفات معينة لأي حاجة في حياتي من بينهم مراتي وقابلت واحد حبيتها وكان فيها المعايير وانا كنت ليها بردة ملائم للصفات اللي عايزاها"

عمرو سلامة من كواليس فيلم شماريخ

وتابع "كنا في علاقة جيدة ومكناش بنتخانق وحتى لما اتفقنا على الطلاق قررنا نقعد ونتكلم مع بعض وسالتها في الأول هل لو قابلتيني دلوقتي بشخصيتي الحالية هترتبطي بيا فكان ردها لا لأن شخصيتي الحالية وطريقة حياتي اختلفت فحتى لو في مشاعر بينا مكناش هنحب نرتبط ببعض تاني وانا كنت حاسس بتأنيب الضمير لأن أنا اللي اتغيرت اكتر وبعد الجواز ب7 سنين شخصيتي اختلفت تماما"

وأضاف "اعتقد أن الشخصيات هتتغير بعد الجواز والاهتمامات هتتغير بس المهم أن خطتنا تبقى واحدة وعندنا نفس التصور والاهداف المشتركة لكن أنا في جوازي الأول اختلفت شكل حياتنا ودة جعلنا مدركين أننا حتى لو في مشاعر بينا مش هينفع نكمل واحنا طلاقنا كان متحضر جدا، احنا يوم طلاقنا خرجنا شربنا قهوة"

عمرو سلامة

نرشح لك: بدأت من "ركن الأطفال" مع بابا شارو وقدمت أول بطولة في عمر 17 عاما واعتزلت من أجل ابنها … ما لا تعرفه عن "الثائرة المتمردة" كريمان

وعن زواجه الثاني قال "وانا حاليا سعيد في جوازي واحنا معندناش اهتمامات مشتركة ولا بنحب نفس الحاجات بس عندنا شكل للحياة احنا الاتنين عايزين نعيشه وجوازتي التانية مكنتش مبنية على معايير محددة لكن احنا الاتنين مبسوطين في وجود بعض، وعارفين نتأقلم مع بعض واحنا الاتنين متفقين على حاجات اساسية في حياتنا وعندنا رؤية واحدة لمستقبلنا وتشابه في طريقه الحياة"

وعن عيوب شخصيته قال "أنا عندي عيب اني شخص مش بيحب يتخانق وزمان كنت فاكر أن دة ميزة والفرق بين جوازي الأول والثاني هي أن في الأول مكنتش بتخانق بس مكنتش بعبر عن الحاجات اللي مضيقاني، أما دلوقتي فأنا مش بتخانق لكن بتكلم في أي حاجة مضيقاني وبواجه اكتر"

وتابع "أنا مش شخص عنيف لأني عارف لو فقدت اعصابي هتحول لوحش وكل سنة في فترة بتخانق خناقة كبيرة غالبا بتكون في الشغل وبندم بعدها والحمدالله مع مرور الوقت الفجوة بين كل خناقة وخناقة بيزيد في الأول كنت بتخانق كل 6 شهور ودلوقتي بقت كل سنتين"

وعن الجملة التي شجعته على الانفصال قال "في جملة شجعتني على الطلاق وهي "السعادة على بعد 10 دقايق من مواجهة صعبة" فاحنا احيانا بنتخيل أن السعادة بعيدة لكن احيانا بتكون قريبة وبنحصل عليها بعد مواجهة صعبة ممكن مع الآخر أو مع نفسنا والعشر دقايق هنقول فيهم الحقيقة كاملة وهنعبر عن مشاعرنا بأكتر طريقه لبقة بس هنواجهه نفسنا أو الآخر"

يذكر أن عمرو سلامة عرض له فيلم "برة المنهج" مع ماجد الكدواني، روبي، الطفل عمر شريف، أسماء أبو زيد وغيرهم نخبة من النجوم.

اقرأ أيضا:

محسن جابر: الإغراءات المادية ميلت دماغ أنغام وأمنيتي أنتج لشيرين عبد الوهاب

حسام داغر لـ"في الفن": اشتريت غرفة سامية جمال علشان متروحش لحد ميعرفش قيمتها وأنا عاشق للأنتيكات

وائل جسار يكشف حقيقة شجاره بالأيدي مع صابر الرباعي: أعوذ بالله

شيرين: عادل إمام بخير وبيرد عليا ... لو عاوزين تموتونا جمعونا في ميدان واخلصوا

لا يفوتك: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5