محمد علي رزق: طلبت من بيتر ميمي الإنضمام لـ"للاختيار" ودوري كان شبه الأعمال اللي بحلم اقدمها (فيديو)

نادين يوسف | فى سينما وتلفزيون

محمد علي رزق

الأربعاء , 6 سبتمبر 2023 - 11:09 | اخر تحديث: الأربعاء , 6 سبتمبر 2023 - 12:09

تحدث الفنان محمد على رزق على تجربة مشاركته في مسلسل "الاختيار3" مع أحمد السقا، كريم عبد العزيز، ياسر جلال وغيرهم نخبة من النجوم.

قال محمد على رزق خلال لقاء له مع الإعلامي عمرو خليل في برنامج "من مصر" أنه تواصل مع المخرج بيتر ميمي عقب عرض الاختيار 1 وطلب منه الانضمام للجزء الثاني.

الاختيار 3

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا>

وتابع قائلا "اتصلت ببيتر ميمي علشان اباركله بعد الاختيار 1 وقلتله اني سمعت عن وجود جزء تاني وعايز اشتغل معاك فيه وجيه الاختيار 2 ومحدش كلمني وبعد كدة لقيتهم بيكلموني على الاختيار 3"

وأضاف "أنا فاكر المكالمة كويس لاني كنت بحتفل بعيد ميلادي مع مراتي واتصلوا بيا ومسمعتش التليفون وبعد شوية لقيت صديقي بيكلمني وبيقولي أن الناس بتدور عليا وبيكلموني ومش برد وكلمت الكاستينج دايركتر وقالي ان في دور في الاختيار 3 بس هو مش كبير اوي قلتله مش مهم مساحة الدور المهم يكون حلو وانا عايز اشتغل في الاختيار"

الاختيار 3

اقرأ ايضًا: قصة علاج ماجد الكدواني من دوره في "تراب الماس": الشخصية لبستني وفتحت ملفات مقدرتش أقفلها

وعن سبب رغبته للإشتراك في مسلسل "الأختيار" قال "الاختيار عمل فني بيوثق مرحلة وانا بحب اكون جزء من عمل فني بيوثق لمرحلة مهمة في تاريخ مصر، وحظي الحلو أن دوري كان شبة الأدوار اللي كنت بحلم اعملها زمان وانا صغير يعني أنا بحب رأفت الهجان، جمعة الشوان، الثعلب والأعمال اللي فيها جاسوسية وفجأة لقيت دوري كدة ففرحت"

الاختيار 3

وتابع "الدور كان ممتع بالنسبالي وكل صحابي كانوا بيقولولي أن جالي دور شبة الادوار اللي بحبها ومشاهدي كانت مع احمد السقا ودي كانت حاجة حلوة لاننا مش أول مرة نشتغل مع بعض والكيميا كانت حلوة، والاختيار عمل وطني بيقدم نموذج انساني"

يذكر أن مسلسل "الاختيار 3" يضم نخبة من النجوم من بينهم ياسر جلال، أحمد السقا، كريم عبد العزيز، إيمان العاصي، وغيرهم نخبة من النجوم، المسلسل من تأليف هاني سرحان ومن إخراج بيتر ميمي.

اقرأ أيضا:

ياسمين رئيس بشخصيتها الحقيقية وتقليد مشهد من "حزمني يا" ... ملاحظات على إعلان مسلسل "نصي التاني"

طليقة حسن شاكوش: لن اعتذر لحورية فرغلي أو أتراجع عن كلامي

الطيب والقاسي والصارم ... ثلاثة نماذج للآباء في حياة نجمات الفن

كواليس تصوير القلم اللي هيتكلموا عنه في الدراما المصرية (فيديو)

لا يفوتك: ساعة مع الفنان علي الحجار ... حكاوي وفن وغنا

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5