نور: دوري في "بيت الروبي" هو السهل الممتنع وبستعد لأعمال جديدة

نادين يوسف | فى سينما وتلفزيون

نور

الأربعاء , 6 سبتمبر 2023 - 01:09 | اخر تحديث: الأربعاء , 6 سبتمبر 2023 - 01:09

عبرت الفنانة نور عن سعادتها بنجاح فيلم "بيت الروبي" وبردود الأفعال على العمل.

قالت نور في مداخلة هاتفية لها مع الإعلامية لينا الطهطاوي في برنامج "كلاكيت" أنها لم تتوقع النجاح الباهر للفيلم.

نور

بيت الروبي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا>

وتابعت "كنت عارفة أنه هينجح بس متخيلتش أنه هيوصل للدرجة دي كانت مفاجاة ليا"

العرض الخاص لفيلم بيت الروبي

وعن تعاونها مع كريم عبد العزيز قالت "أول مرة اشتغل مع كريم كدراما بس عملت معاه اعلانين وكل الناس عارفة أن كريم لذيذ وقريب من القلب وهو فنان كبير وموهوب ومع توجيهات المخرج وكتابة حلوة قدرنا أننا نقدم الفيلم بشكل طبيعي وهو محبوب عند الناس ومش مصطنع"

اقرأ ايضًا: إسعاد يونس عن كواليس حلقة ماجد الكدواني: وجود ساندرا كانت مفاجأة ليه (فيديو)

وأضافت "ودة كان التحدي في الدور أنه كان لازم يبقى طبيعي ودة السهل الممتنع والحمدلله الناس حبت الشخصية"

وعن اختيارها لادوارها مؤخرا قالت "الممثل بيعدي بمراحل الأول البنت الحلوة وبعدين يبقى عنده خبرة وبعدين يحب يقدم أدوار مركبة وبعدين بنوصل لوقت أننا مش عايزين نثبت أي حاجة احنا بس عايزين نستمتع ودة حصل في بيت الروبي وكنت مستمتعة اوي بيه"

العرض الخاص لفيلم بيت الروبي

كما تحدثت نور عن ردود أفعال الجمهور على الفيلم وقالت "ناس كتير دخلت الفيلم أكتر من مرة والفيلم فيه كوميديا ودراما وفيه رسالة حلوة وفي أعمال بتبقى كاملة"

وعن أعمالها القادمة قالت "بحضر لحاجات هعلن عنها في الوقت المناسب وبحاول اختار حاجات حلوة وممكن اقدم خلالها حاجات جديدة"

View this post on Instagram

A post shared by NogoumFM (@nogoumfm)