نصيحة بسمة وهبة لأحمد سعد بعد إعلان طلاقه: إوعى لما تعلا تدي مراتك كتف

محمد سليم | فى حياة المشاهير

بسمة وهبة وأحمد سعد وعلياء بسيوني

الثلاثاء , 29 أغسطس 2023 - 22:22 | اخر تحديث: الثلاثاء , 29 أغسطس 2023 - 22:23

وجهت الإعلامية بسمة وهبة نصيحة للفنان أحمد سعد، بعد إعلان مصممة الأزياء علياء بسيوني طلاقهما اليوم.

وقالت بسمة وهبة خلال تقديمها برنامج "90 دقيقة" المذاع عبر قناة المحور: "فوجئنا النهاردة ببوست نازل من علياء زوجة المطرب أحمد سعد، وهو بوست قاسي جدا وواضح إن علياء كانت موجوعة جدا. الست ما تعملش كده إلا إذا حد جاب ولاعة وولع لها في حتة من جسمها أو قلبها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد سعد وعلياء بسيوني

وأضافت: "عايزة أنصحك يا أحمد نصيحة اعتبرها نصيحة إعلامية وأخت وتقدير، الشهرة والنجومية والفلوس لازم تغير البني آدم وتزغلل عينيه، وأوقات ربنا يديها للبني آدم اختبار أو مكافأة للست اللي معاه وبناتك، إنت طول عمرك من أجمل الأصوات، لكن ماكنتش بنجومية وشهرة النهاردة".

أحمد سعد وعلياء بسيوني

وتابعت: "نصيحتي لكل راجل عنده واحدة ست وقفت جنبه إوعى لما تعلا تديها كتف ربنا مش هيكرمك، وياما مطربين كانوا فوق في السما ودلوقتي في الأرض علشان افتروا على زوجاتهم".

طالع أيضا - من الجيم للمأذون ثم الطلاق ... قصة زواج وانفصال أحمد سعد وعلياء بسيوني

أحمد سعد وعلياء بسيوني

وأكملت: "علياء ساعدتك ووقفت جنبك كتير يا أحمد، خلي بالك وما تجيش على ستات مصر دول محميين بآل البيت، وأتمنى أحمد وعليا يكونوا رجعوا لبعض والشيطان اللي بينهم مشي".

أحمد سعد وعلياء بسيوني

يذكر أن مصممة الأزياء علياء البسيوني أعلنت انفصالها عن الفنان أحمد سعد وذلك عبر خاصية الإستوري على حسابها بموقع إنستجرام.

وكتبت البسيوني " الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله الغير طيب ومعدنه السئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي وعشان المشوار اللي أنا ابتديته ومكنتش حابه إنه ينتهي" (التفاصيل)

اقرأ أيضا:

علياء بسيوني الأخيرة وسمية الخشاب قبلها … 4 سيدات في حياة أحمد سعد

رانيا يوسف بإطلالة جريئة على الشاطئ (صور)

عمل لديه 6 سنوات … مالك سوبر ماركت يتحدث عن "سفاح الجيزة" الحقيقي: كان محبوب من كل الناس واتصدمنا لما عرفنا

من بينهم أحمد سعد ومصطفى فهمي وحسن شاكوش.. زيجات انتهت بفضائح وخلافات معلنة

لا يفوتك: ساعة مع الفنان علي الحجار ... حكاوي وفن وغنا

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5