أسما شريف منير عن حلاقة شعرها: قرار لحظي وانفعالي مش ندمانة عليه

نهال ناصر | فى حياة المشاهير

أسما شريف منير

الجمعة , 25 أغسطس 2023 - 17:30 | اخر تحديث: الجمعة , 25 أغسطس 2023 - 17:30

وجهت أسما شريف منير رسالة لمتابعيها بعد حضورها حفل مهرجان القاهرة للدراما الذي أقيم مساء الخميس 24 أغسطس، في مدينة العلمين الجديدة، وظهورها لأول مرة بعد قيامها بحلاقة شعرها.

وطمأنت أسما شريف منير محبيها عليها مؤكدة أنها لا تمر بحالة اكتئاب وأن ما حدث كان قرارا لحظيا وانفعاليا لكنها غير نادمة عليه.

أسما شريف منير في أول ظهور بعد حلاقة شعرها

وقالت أسما شريف منير: "طيب أول حاجة شكرا علي كل ردود الفعل، الوحشة والحلوة كلها، ساعات موقف زي دي بتخلي ناس تشوف ناس تانية عاملين إزاي مجرد أنهم بيعبروا عن رأيهم، وشكرا لكل الناس اللي كانت خايفة وقلقانة عليا، ممكن بقي أقولكم الحكاية من وجهة نظري ببساطة".

أسما شريف منير قامت بحلاقة شعرها بنفسها

نرشح لك: #شرطة_الموضة: جومانا مراد تلفت الأنظار بفستان أزرق من الحرير سعره 160 ألف جنيه في مهرجان القاهرة للدراما

وتابعت: "أولا الحكاية جت بالصدفة جدا وكان قرار لحظي وانفعالي جدا ومش ندمانه عليه، تاني حاجة أنا مش بعمل كده عشان أطلع ترند بس كنت عارفة إني هبقي ترند، في فرق كبير بين عايزه وعارفة، على فكرة الترند ده نقمه مش حاجة حلوة خالص بس مش هدخل في الجدل ده دلوقتي، تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل وقوة وإرادة وتحدي وجرأة وشجاعة وكل حاجة إيجابية في الكون، أنا فعلا من فترة كنت بمر بمرحلة صعبة جدا بس كنت في رحلة بقالي شوية بتعافي منها وبقف على رجلي من الأول وكان آخرها رحلة دهب، فا تاني بالعكس ده مش اكتئاب ده مرحلة انتقالية مؤمنة إني هحقق فيها حاجات كتير".

أكدت أسما أن ما قعلته قرار انفعالي

وأكملت أسما شريف منير: "آخر حاجة الجماعة اللي مكبرين الموضوع (ده شعري مش شعرك) حاجة كده بجد أخيرة (أنا عاجبني شكلي جدا بصراحة، شكله جامد ومديني ثقه في نفسي جدا) بحبكم أوي بجد".

رسالة أسما شريف منير لجمهورها

وكانت أسما شريف منير نشرت فيديو لها أثناء حلاقة شعرها، وعلقت كاتبة: شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغده و تأثرها عليه، قررت انفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة وتفاؤل".

وقالت أسما إنها لا تمر بحالة اكتئاب

أسما شريف منير

وتابعت: رميت ورايا حاجات كتيرة اوي بمجرد اني شلت شعري، قلبي كان بيدق جداً و بعديها حسيت اني مليانا ادرينالين.. خطوة جريئة و مرعبه بس حسه اني طالعة منها بدري، عارفة ان في ناس كتير هتهاجمني بس انا فراق معايا احساسي بالراحة اللي انا حسها دلوقتي…عادي هيطول تاني بس الاحساس ده مش هحسه غير مرة".