حورية فرغلي: الأمومة حلم عمري اللي خسرته ... والجمال مش كل حاجة

محمد أحمد | فى حياة المشاهير

حورية فرغلي

الأربعاء , 2 أغسطس 2023 - 23:38 | اخر تحديث: الخميس , 3 أغسطس 2023 - 01:00

كشفت الفنانة حورية فرغلي تطورات وضعها الصحي بعد خضوعها مؤخرًا لعملية استئصال الرحم.

وقالت حورية فرغلي في لقاء مع ET بالعربي: "أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه".

نرشح لك - أكرم حسني يسخر من قواعد النجاة من سمك القرش .. ملاحظات على إعلان "العميل صفر"

وأضاف: "حاسة بنفسي أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي".

حورية فرغلي

وتحدثت حورية فرغلي عن حلم الأمومة قائلة: "عمري ما مسكت بيبي ولما مسكتها حسيت وكإني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي".

ووجهت حورية رسالة للفتيات قائلة: "الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو إنك تتجوزي ويكون عندك ولاد، ودي الحاجة اللي ندمانة عليها".

حورية فرغلي

واختتمت: "لو رجع بيا الزمن هتجوز للإن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر".

اقرأ أيضا:

أبطال "ريفو" يغنون لطلاب الثانوية العامة.. تعرف على مجاميعهم

النهايات أخلاق.. عمر كمال وحمو بيكا يبدلان كلمات "أنت معلمة" إلى "أنت معفنة" - فيديو

باميلا الكيك: لو رفض جسدي الرجل سأحب المرأة!

غادة عبد الرازق بفستان ذيل السمكة في حفل زفاف ابنة شقيقتها

لا يفوتك: "في الفن من داخل العرض الخاص لفيلم مرعي البريمو .. واسئلة بره الصندوق لنجوم الفيلم ⁉️

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5