تامر حسني: فيلم "تاج" تم بيعه بنجم شباك واحد مش تجميعة نجوم

مي جودة | فى حياة المشاهير

تامر حسني

الأربعاء , 2 أغسطس 2023 - 17:50 | اخر تحديث: الأربعاء , 2 أغسطس 2023 - 17:57

استعان النجم تامر حسني بفيديو لمقدمة البرامج ياسمين عز وهي تشيد به وبموهبته، مستنكرة موجة الهجوم على أعماله وبالأخص فيلمه الجديد "تاج".

وعلق تامر حسني على فيديو ياسمين عز كاتبا: " فيلم تاج تم بيعه بنجم شباك 1 مش تجميعة نجوم، ودي حاجة تحسب للفيلم وبعملها كل سنة الحمد لله، وکونه نوع جديد للسينما العربية يحسب للفيلم برضه، الفيلم الحمد لله تم توزيعه النهاردة عالميًا أكيد دي حاجات بتزعل بعض ضعاف النفوس.. ولكن واقعها على الناس العقلاء جميلة اللي بيتمنوا الخير لابن بلدهم اللي حاجة زي كده بتشجعهم إن مفيش مستحيل ولا يمكن نبقى حافظين مش فاهمين".

ياسمين عز تدافع عن تامر حسني: نجم شامل ممكن يؤلف أغنية وهو نايم

تامر حسني

وتابع: وكمان بقى بجتهد وبألف وبخرج، زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس، يكفيني شرفًا أن الفيلم العربي صاحب أعلى إيرادات في تاريخ السينما العربية دوليًا إنتاج مصري هو فيلم من إخراج تامر حسني، فيلم بحبك، تفتكي دي وقعها على الودن عادي؟!!! لا طبعا، هي مؤلمة أوي بس مؤلمة لغير الاسوياء، وجميلة للعقلاء اللي بيتمنوا الخير لابن بلدهم اللي حاجة زي كدة بتشجعهم ان مافيش مستحيل ولا يمكن نبقى حافظين ومش فاهمين.

تامر حسني أغنية هرمون السعادة

ووجه كلامه لياسمين عز قائلا: "أحب أطمنك يا ياسمين إنه لا يصح إلا الصحيح وخلي بالك الجمهور ذكي جدًا ويمكن بسبب الحملات الساذجة دي الجمهور زاد طلبه على الفيلم لإن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة، لو جبت أهم شركات في العالم عشان يقدموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردودة أقوى من الدعاية اللي بندفع فيها فلوس.

تامر حسني أغنية هرمون السعادة

واختتم تامر حسني: بالمرة نشيل من على شركة الإنتاج باند الدعاية عشان مكلف أوي بصراحة ونسيبه على المغيوظين هما يدفعوه ربنا ما يقطعلهم عادة أحب أفرحك أكتر يا ياسمين فيلمي اللي جاي تصويري كمان، شكرًا لدفاعك عن الحق يا أحلى ياسمين.

يذكر أن ياسمين عز قالت خلال تقديمها برنامج "كلام الناس" المذاع عبر قناة MBC مصر: "ليه البعض كل لما تامر حسني ينزل بعمل جديد، أو فيلم يكسر الدنيا، في شوية متربصين ولجان إلكترونية تتربص بهذا النجم ونحارب الناجح، ومن سنة كان في فيلم كسر الدنيا بالإيرادات وحصل نفس الشيء، فعرفت إن الموضوع منظم".

تامر حسني أغنية هرمون السعادة

فيلم "تاج" بطولة تامر حسني، ودينا الشربيني، وساندي، وبيومي فؤاد، وهو من تأليف تامر حسني وإخراج سارة وفيق.

وتدور أحداث فيلم "تاج" في إطار كوميدي فانتازي حول شخصية البطل الخارق أو الـ"سوبر هيرو"، ويجسد تامر حسني شخصيتين لشقيقين توأمين اسمهما تاج وهارون، ويمران بالعديد من الأزمات، أما الفنانة دينا الشربيني فتجسد دور مدرسة موسيقى.