حكاية ضرب زكي رستم لـ حسن مصطفى ولماذا اعتقد أنه ابن البواب (فيديو)

نهال ناصر | فى سينما وتلفزيون

حسن مصطفى وزكي رستم

السبت , 29 يوليو 2023 - 15:07 | اخر تحديث: السبت , 29 يوليو 2023 - 16:07

في كواليس الأعمال السينمائية والتليفزيونية حكايات وقصص لا يعرفها الجمهور يحكيها النجوم لتكون ذكرى سعيدة تعيدهم لأيام مضت.

وفي لقاء قديم للفنان حسن مصطفى مع صفاء أبو السعود في برنامجها "ساعة صفا" حكى الفنان الراحل عن ذكرياته مع الفنان الراحل زكي رستم، وكشف أنه كان يحبه كثيرا ويتمنى العمل معه إلى أن التقيا في فيلم "الحرام".

وقال حسن مصطفى: "كنت بتمنى أن زكي رستم يضربي بس يكلمني وأقف جنبه إلى أن جيه يوم بعتولي فيلم اسمه "الحرام" سألت مع مين وعرفت أنه زكي رستم وكنت سعيد جدا، كنت بعمل وقتها مسرحية "مدرسة المشاغبين"، اتفقت معاهم إني مقدرش أفضل في الفيوم كنا بنصور هناك، لأن عندي مسرح، فقالولي زكي بيه بينزل الصبح يحضر التصوير ويرجع الساعة 5 مساء، فالعربية بتفوت على زكي بيه وبعدها عليا وأروح معاه، كنت أركب العربية ألاقي زكي بيه قاعد هو شخص منضبط جدا في مواعيدة، وبينام بدري وبيصحى بدري".

حسن مصطفى من برنامج ساعة صفا

نرشح لك: احتفالا بـ4 سنوات على علاقتهما ... نيكول سعفان تتحدث للإعلام لأول مرة وتكشف شخصية طارق العريان التي لا يعرفها الجمهور

وتابع حسن مصطفى حكايته: "كنت ببقى تعبان ومش نايم كويس، أركب جنب السواق، بعد يومين سمعته بيسأل السواق بيقوله "يا محمد هو الولد دا أبوه بيشتغل بواب وبيستلم العمارة بدل منه" أنا سمعت ومردتش كنت بخاف منه لأني سمعت أن إيديه تقيله".

وأكمل: "بقيت بتودد ليه في الكواليس وأقعد جنبه وكنت بهزر معاه وقت التصوير هو كان مش بيسمع كويس، كان بيركز مع حركة الشفايف لما شفايفي تقف يعرف أن جملتي انتهت، في مرة قولت الجملة بتاعتي وبعدها فضلت أحرك شفايفي من غير ما أطلع صوت فهو متكلمش، كررت الموضوع أكتر من مرة، في تالت مرة كان في إيده عصاية وجينا نبدأ تصوير فضل يجري ورايا عاوز يضربي وملحقنيش غير وحيد فريد كان مدير التصوير".

حسن مصطفى من فيلم الحرام

وفيلم "الحرام" إنتاج عام 1965 بطولة فاتن حمامة وعبد الله غيث وزكي رستم وحسن البارودي، تأليف يوسف إدريس وسيناريو وحوار سعد الدين وهبة وإخراج هنري بركات.

يذكر أن حسن مصطفى رحل عن عالمنا في 19 مايو 2015 عن عمر 82 عاما.

اقرأ أيضا:

رغم إلغاء الحفل... جمهور ترافيس سكوت يحتفلون بألبومه الجديد في منطقة الأهرامات

محمد هنيدي: ابني محترف في ألميريا الإسباني وورث جينات الكورة من أبوه

سامو زين: عمرو مصطفى له حق في كل اللي بيعمله

درة تكشف جوانب خفية من شخصيات النجوم: روبي "هلهلية" ونيللي كريم في حالها

لا يفوتك: "تحليل النغمات مع عمك البات" تقييم أغنية "بلبلطة" لحسين الجسمي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5