عمرو محمود ياسين يرد على برنسة عبد الغني: ملخص مسلسلك في الحفظ والصون وتقدري تاخديه

نهال ناصر | فى سينما وتلفزيون

عمرو محمود ياسين وبرنسة عبد الغني

الاثنين , 10 يوليو 2023 - 16:45 | اخر تحديث: الاثنين , 10 يوليو 2023 - 16:45

رد المؤلف عمرو محمود ياسين على ما قالته برنسة عبد الغني، أشهر كومبارس في السينما المصرية، وأنها أعطته ملخصا لقصة حياتها لكي يكتبها لكنه أضاعه.

وكتب عمرو محمود ياسين عبر حسابه على Facebook: "النهاردة لقيت الخبر ده : برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه، يا أستاذة برنسة تحياتي ليكي أولا، ثانيا حضرتك كنتي قابلتيني وإحنا بنصور مسلسل "ونحب تاني ليه" على ما أتذكر و لقيتك من تلقاء نفسك جايبالي ملخص وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش اقراه وقتها".

نرشح لك: برنسة عبد الغني: بعت كليتي بـ 10 آلاف جنيه عشان علاج أمي

وتابع عمرو محمود ياسين: "قريته بعد كده لما اتصلتي بيا فكرتيني به بعد فترة طويلة .. وقتها أنا قريته وللأسف ملقتش فكرة مناسبة له، وحضرتك ما كلمتينيش تاني وأنا ما تصلتش برضه وده تقصير مني بعتذر عنه، لكن مش عارف جبتي منين حكاية إني أنا ضيعته؟؟ مش عارف جبتي الفكرة دي منين؟ الملخص بتاعك في الحفظ والصون زي ما هو وتقدري تاخديه وقت ماتحبي .. وربنا يكرمك.

رد عمرو محمود ياسين

ونشر عمرو محمود ياسين صورة لملخص المسلسل ليثبت صحة كلامه.

صورة لملخص مسلسل برنسة عبد الغني

وكانت برنسة عبد الغني قالت خلال حلولها ضيفة على برنامج "المنسي" من تقديم إنجي هشام عبر قناة "هي" أنها كتبت ملخصا لقصة حياتها وأعطته لعمرو محمود ياسين وهو أخبرها أنه أضاعه وأوضحت: "أديت قبل كده لأستاذ عمرو محمود ياسين وضيعها، كتبتله القصة كام صحفة على أساس هو يكمل عليها أنا كاتبة ملخص، وقابلته في مسلسل، وللأسف ضاعت منه".

وخلال اللقاء حكت برنسة عبد الغني عن فترة مرض والدتها وما فعلته قائلة: "بعت كليتي بـ10 آلاف جنيه عشان أعالج والدتي، وقتها كنت سبت الفن شوية ومترددتش للحظة، لو كانوا طلبوا عينيا كنت أديتها، أنا والدي أتوفى وأنا عندي سنتين واتربيت وسط خيلاني في الدرب الأحمر، وأمي محرمتنيش من حاجة وأنا صغيرة".