فيفي عبده تستغيث من الحسد بعد خضوعها لعملية جراحية: أبوس رجلك فك العمل

محمد سليم | فى سينما وتلفزيون

فيفي عبده

الأحد , 9 يوليو 2023 - 20:54 | اخر تحديث: الأحد , 9 يوليو 2023 - 20:54

كشفت الفنانة فيفي عبده تفاصيل خضوعها لجراحة في العمود الفقري مؤخرا، بعد شعورها بصعوبة في الحركة.

وقالت فيفي عبده في تصريحات لبرنامج ET بالعربي: "فجأة لقيت الغضروف قفل على العصب، وابتدت رجلي تتقل ومش قادرة أمشي، ربنا يتم شفائي لإن الصحة تاج، ومال الدنيا من غير صحة ولا حاجة".

نرشح لك - كان هيتدفن معاه … منى عبد الغني تحكي موقفا مؤثرا لـ إيهاب توفيق في جنازة علاء عبد الخالق

فيفي عبده

وأضافت: "وأنا داخلة أعمل العملية بيدورا على العروق في إيدي مش لاقيين، وابتدوا يعملوا لي فحص لقوا القلب فيه رفة، وطلبوا بسرعة دكتور قلب وأخذت مخدر وعملوا منظار على القلب علشان يشوفوا هل القلب تعبان فعلا، ولما اطمنوا كان جاهزين بغرفة عمليات العمود الفقري".

فيفي عبده

أوضحت فيفي عبده أنها حرصت على السفر إلى لبنان، والمشاركة في لجنة تحكيم حفل ومسابقة ملكة جمال الجنوب رغم حالتها الصحية، مضيفة: "أول مرة أتفاجئ بإن رجلي تقيلة ومش قادرة أطلع السلم، وكانت مفاجأة قدام الناس ولازم أطلع على المسرح علشان أتكرم".

طالع أيضا - #شرطة_الموضة: ياسمين صبري بقميص بطباعة الحمار الوحشي في عرض "البعبع" في السعودية.. سعره يتجاوز 46 ألف جنيه

فيفي عبده

واعتبرت فيفي عبده أن تعرضها لأزمات صحية متتابعة سببه الحسد بقولها: "لأول مرة أطلع لجمهوري وأقول ارحموني، الحسد زاد عن حده معايا وتعبت، ومش عايزة أضعف وأطلع أقول لهم أنا محسودة، أنا دايما واقفة زي الأسد".

فيفي عبده

وتابعت: "أكيد مليون في المية معمول لي عمل علشان متحركش من السرير، ولو أعرف مين اللي عمله أبوس رجلك فك العمل، حرام عليك أفضل في السرير أقوم من حاجة ألاقي حاجة".

يذكر أن فيفي عبده نشرت مؤخرا مقطع فيديو ظهرت فيه بالفستان الذي أطلت به في حفل ملكة جمال الجنوب، وسجل الفيديو لحظة تعثرها في الفستان وكادت تسقط على الأرض.

وكتبت فيفي عبده تعليقا على الفيديو: "شوفوا الفيديو للآخر يالهوي على اللي حصلي واللي جرالي يا ناس ياشر كفاية قر اسكوزمي بقى" (التفاصيل)

يشار إلى أن فيفي عبده عرض لها في رمضان 2022 مسلسل "شغل في العالي"، من بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.

اقرأ أيضا:

أول رد من الشركة المنتجة لمسلسل "ليه لأ 3" على أزمة آداب قسم مسرح

أمير كرارة يرد على انتقادات تصريحه بعدم مشاهدة التليفزيون: كنت قاعد بضحك

مي سليم تكشف لـ"في الفن" تطورات حالة شقيقتها دانا الصحية بعد إصابتها بتسمم في المعدة

داليا شوقي عروس البحر وسط النجوم في جلسة تصوير جديدة

لا يفوتك: تحليل النغمات مع عمك البات جايب تفاصيل أغنية أحمد سعد اللي "مكسرة" التريند .. اختياراتي مدمرة حياتي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5