هيثم نبيل يرد على عمرو مصطفى: لو بتحارب عشان الذوق العام المفروض متطلعش زمايلك حرامية

نهال ناصر | فى حياة المشاهير

هيثم نبيل

السبت , 8 يوليو 2023 - 16:58 | اخر تحديث: السبت , 8 يوليو 2023 - 16:58

رد الفنان هيثم نبيل على تصريحات الفنان عمرو مصطفى التي هاجم فيها بعض زملائه بسرقة ألحانه وتحدث عن انهيار صناعة الموسيقى بسبب الذوق العام.

ونشر هيثم نبيل فيديو طويل وجه فيه بعض الرسائل لعمرو مصطفى، في البداية أكد أنه يحبه كثيرا ويحترمه لكنه يرد على ما يقوله في البرامج التليفزيونية التي يظهر بها.

وطالب هيثم نبيل عمرو مصطفى باحترام زملائه خاصة إذا كان يرى انحدارا في الذوق العام فعليه أن يتكاتف مع كل المطربين ولا يتهم أحدا بسرقة موسيقاه.

هيثم نبيل يوجه رسالة لعمرو مصطفى

نرشح لك: تامر حسني يفتتح حفلات مهرجان العلمين 13 يوليو

وقال هيثم نبيل: "أنا عامل الفيديو ردا على صديقي الفنان اللي بحبه عمرو مصطفى عندي تحفظ على تصريحاته الفترة الأخيرة على الزملاء وعلى شكل الفن، أنا تحليلي للموضوع أن عمرو مصطفى عز فترة نجاحاته كانت كل الناس بتشوف إيه اللي ينجح وتجري وراه، الأغنية اللي تنجح كل المطربين يقفوا في طابور واحد وعاوزين نفس النجاح، مش عايزين يعملوا نجاح مختلف، لكن في آخر 10 سنين حصل تغيير في الأجيال وبقى في تنوع في الأذواق ودي حاجة صحية مش مضرة".

هيثم نبيل

وتابع هيثم نبيل: "طول عمرنا بنشوف برا عندهم تنوع كبير وكل نوع من الأنواع ليه جمهوره، أنا كنت بغير جدا أن برا في التنوع دا، ودلوقتي بقى عندنا في مصر أنواع كتيرة من الموسيقى مختلفة وفي الآخر بيحصل تنقية كل حاجة جديدة الناس بتسمعها فترة وبعدها بتنقي، كون أن أحنا نتخض من اللي حصل ميقولش أن الصناعة بتنهار دي حاجة صحية، وبالعكس دي أكتر فترة نجاحات لمطربين كتير في مصر وبرا مصر، إزاي الصناعة منهارة وأحنا شايفين أن مثلا أحمد سعد بيغني من فترة كبيرة ودلوقتي في عز نجاحاته، والهضبة ومحمد منير وتامر عاشور ورامي صبري وتامر حسني كلهم ناجحين وبيتم استقبالهم في الخارج بشكل كبير، كون أن أنا في الفترة الأخيرة مش مشارك في النجاحات دي مش معناها أن الصناعة وقعت".

كما تحدث هيثم نبيل عن اتهامات عمرو مصطفى لزملائه بسرقة بعض من ألحانه وقال: "تاني حاجة تصريحات الاتهامات وأن عمرو مصطفى قال إن رامي صبري سرق منه أغنية "يمكن خير" في حاجة أسمها سرقة وفيه توارد أفكار، رامي فنان تقيل وعنده أغاني كتير ناجحة ومش الأغنية دي اللي هتصنع وتفرق في مشواره، ورامي مش فنان قليل عشان يسرق عمرو مصطفى، دي حاجات بتحصل".

عمرو مصطفى ورامي صبري

وأكمل: "لو هنتكلم بالمفهوم بتاع عمرو مصطفى أنه بيتكلم عن الذوق العام مش المفروض أن طول عمرنا نغني لأم كلثوم وعبد الحليم لأن الأغاني اللي أنت قدمتها وأحنا حبيناها هي مش سيرة الحب، الحرب اللي بتحاربها عن فكرة ذوق الناس المفروض تدعم كل الناس متطلعش الزملاء حرامية، لو شايف أنها حرب قدر زمايلك وكلنا ندعم بعض، لكن عن نفسي مش بشارك في الحروب دي لأن كل نوع فن بيتقدم ليه ناسه وجمهوره".

وكان عمرو مصطفى ظهر في برنامج "حبر سري" من تقديم أسماء إبراهيم عبر قناة "القاهرة والناس" واتهم رامي صبري بسرقة لحن أغنية "رقصة" في أغنيته "يمكن خير"، وقال: هو قال إنه عامل الأغنية من 2009، عايزك يا رامي تطلع أي حاجة تثبت قدام الناس إن الأغنية معمولة من 2009، أغنية رقصة نزلت من سنة ورامي باركلي عليها، وفي غيره ملحنين تانيين سرقوني كتير".

وردا على سؤال هل اعتذر لرامي صبري بعد الخلاف الذي وقع بينهما، قال عمرو مصطفى: "لم أعتذر له، هو كلمني وقاللي يا عمرو معلش عشان خاطري شكلي مش حلو، وأنا كنت عامل الأغنية وأي كلام، وعديتها بمزاجي، لكن لو النهاردة عايز أشيل الأغنية أقدر أبلغ يوتيوب إنه لحني ونازل قبله وأشيلها".

اقرأ أيضا:

شيرين عبد الوهاب أكثر رشاقة في أحدث ظهور لها

إيمان العاصي: العقاب المناسب للمتحرش إن يتم اغتصابه!

فيفي عبده تمازح خبيرة الفلك ليلى عبد اللطيف: أنا زعلانة عايزة أعيش أكتر من 80 سنة

#شرطة_الموضة: يسرا بإطلالة تصل إلى 65 ألف جنيه من تصميم إيلي صعب في أسبوع الموضة

لا يفوتك: تحليل النغمات مع عمك البات جايب تفاصيل أغنية أحمد سعد اللي "مكسرة" التريند .. اختياراتي مدمرة حياتي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5