منة شلبي تروي قصة خلافها مع هند صبري: كنا بنتنافس على الأدوار الجريئة

مروة لبيب | فى سينما وتلفزيون

منة شلبي وهند صبري

الجمعة , 30 يونيو 2023 - 15:03 | اخر تحديث: الجمعة , 30 يونيو 2023 - 15:36

كشفت الفنانة منة شلبي تفاصيل خلافها مع الفنانة هند صبري، في وقت انطلاقهما بالسينما.

وخلال لقائها في برنامج "سهرانين" مع الفنان أمير كرارة قالت منة شلبي إن علاقتها بهند صبري لم تكن جيدة في بداياتهما الفنية مضيفة ":مكنش لينا في بعض أوي، مكنش فيه خناق، بس مكنش فيه حب".

وتابعت منة شلبي "طلعنا احنا الاتنين مع بعض كانت هي بتعمل فيلم مواطن ومخبر وحرامي ومذكرات مراهقة، وانا كنت بعمل الساحل وبحب السيما، وادوارنا كانت جريئة في الفترة دي".

نرشح لك: زي صدمة موت أبويا..نجوم الفن يودعون المخرج إيهاب أبو زيد بعد وفاته بأزمة قلبية مفاجئة

منة شلبي

واستكملت منة شلبي "في الفترة اللى انطلقنا فيها انا وهند صبري كان يجي حد يخلينا نسخن علي بعض ويقولي دي متبحبكيش وانا اقول دي مبتحبنيش ازاي يعني ويقولها نفس القصة، وبعدين اشتغلنا مع بعض فيلم أحلى الأوقات، وكل واحدة فينا كانت كتفها كان عالي علي التانية، بس محترمين، وكان وسطنا أعظم حكم حكم ست البنات حنان ترك".

منة شلبي

هند صبري

وتابعت:"برغم اني انا وهند صبري مش قريبين من بعض بس كان فيه ود شديد صنعته حنان ترك لإنها كانت قريبة مننا احنا الاتنين".

واختتمت :" خلص فيلم احلى الأوقات لا حرب ولا سلم ومفيش حاجة، وبعدين جالنا فيلم بنات وسط البلد، فالمخرج محمد خان كلمني فوافقت وقلت له مفيش مشكلة وروحنا نعمل بروفة قراءة عنده في البيت بالمعادي واحنا بنفتح النسخة بصيت لهند صبري وقلت لها فيه كلام عايزة اقولهولك وهي كمان قالت لي وانا كمان وعرفنا ان فيه شوية ناس استغلت شوية تفاهة وصنعوا المشكلة ما بيننا ولكن فيه احترام لرحلتنا وشقانا وتعبنا وجرأة في الأعمال عن حب شديد للشغلانة، وتفاهمنا وانتهى سوء التفاهم اللي بينا واتصافينا".

هند صبري

ونافست منة شلبي في رمضان الماضي بمسلسل "تغيير جو".

وتدور أحداث مسلسل "تغيير جو" في إطار اجتماعي تشويقي، حول شريفة التي تعاني حياتها من العديد من الأزمات، ومنها معاناة والدتها من إدمان المهدئات والكحول، بينما يقدم إياد نصار شخصية دكتور جامعي وتجمعه علاقة مع منة شلبي، وتقدم ميرفت أمين دور خالة منة شلبي واسمها زوزو.

ويشارك في بطولة مسلسل "تغيير جو" إياد نصار وأحمد مالك وميرفت أمين، والعمل تأليف منى الشيمي وإخراج مريم أبو عوف.