بوسي: ندمت على الشغل في شارع الهرم كانوا بيضربوني ويجبروني

مي جودة | فى حياة المشاهير

بوسي

السبت , 24 يونيو 2023 - 11:06

أعلنت المطربة الشعبية بوسي عن ندمها بالعمل في الملاهي الليلة في شارع الهرم في بدايتها.

وقالت بوسي: " مقلتش شغلي في شارع الهرم تنازل لكن ندمانة على الشغل في شارع الهرم لكن هو علمني اتعامل مع الناس وخلاني عندي خبرة في التعامل، بصراحة مكنتش حابة أشتغل في الأماكن دي والأماكن دي مش شبهي وشفت فيها حاجات كتير ولكن كنت عيلة صغيرة وباكل عيش"، حسب لقائها في برنامج "حبر سري" الذي تقدمه أسما إبراهيم.

وتابعت: كنت مش عايزة استمر، وكنت مجبورة على الشغل وشغالة بالإكراه، واضربت عشان أنزل الشغل وتعرضت للإهانة، وبحمد ربنا إن ربنا لسه مخلي فيا عقل من اللي شوفته.

بوسي

وتحدثت بوسي خلال اللقاء عن عملية التجميل الوحيدة التي أجرتها قائلة: "عملت تجميل مرة واحدة مناخيري كانت مضايقاني، كنت بحس إن شكلي بقى أحلى لكن في حاجة واقفة عقبة مش مريحاني، أنا كنت ضد عمليات التجميل وبحب نعمة ربنا، لكن مفيش مانع لو في حاجة مش مرتاحة لها أظبطها في نطاق المعقول، والحمد لله لما عملتها مرتاحة نفسيا وحاسة شكلي بقى أحلى".

بوسي

وعن تعرضها للتنمر وتعليقات ساخرة على صورها القديمة قالت بوسي: "الموضوع بيضايقني لكن مش برد، ردي بيكون بشغلي وبأغانيا، دا هو الأسلوب ومش عارفة هيستفادوا إيه، طبيعي إن كل واحد فينا في مرحلة عمرية شكله بيختلف، بعيدا عن التجميل، حال الحياة أن الشكل بيتغير مع السن".

بوسي

يذكر أن شركة روتانا طرحت أحدث أغاني المطربة بوسي بعنوان "مسولي وصبحوا"، من كلمات تامر حسين، ألحان عزيز الشافعي، وتوزيع جلال حمداوي.

اقرأ أيضا:

بعد اتهامها له بضربها واغتصابها.. أحمد برازيلي يرد على إدعاءات زوجته ميرنا طارق: سرقت فلوسي وهربت

بالفيديو ... ياسمين عز تشرح مراحل لف الطرحة على الطريقة التركية

فيديو نادر- أحمد عز قبل الشهرة يتحدث عن حلمه في التمثيل

يوسف الشريف يعود لجمهوره في رمضان 2024 بـ"الراكون"

لا يفوتك: لقاءات حصرية مع أبطال فيلم #بيت_الروبي في العرض الخاص

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5