بوسي: كان نفسي أكون جنب أبويا وهو بيموت ... والناس استغلته علشان تحاربني

محمد سليم | فى حياة المشاهير

بوسي

الجمعة , 23 يونيو 2023 - 03:12 | اخر تحديث: الجمعة , 23 يونيو 2023 - 03:12

رفضت المطربة بوسي وصفها بأنها تخلت عن والدها قبل وفاته، واعترفت بأن علاقتها به انقطعت في فترة سابقة.

وقالت بوسي خلال لقائها مع الإعلامية أسما إبراهيم في برنامج "حبر سري" المذاع عبر قناة القاهرة والناس: "أنا مش محتاجة أعرف الناس إني كنت بساعد أبويا أو بصرف عليه أو بسأل عنه، وطبيعي تحصل خلافات بين الأب وبنته أو الأم وبنتها وابنها، ومش لازم أستغله وأعمل تسويق لو اشتريت له تلاجة أو غسالة".

نرشح لك - آمال ماهر تحتفل بتخرج ابنها - فيديو وصور

بوسي

وردا على سؤال ما سبب خلافها مع والدها الراحل، قالت بوسي: "في وقت من الأوقات انقطعت علاقتنا لإني مريت بأزمة، ومفيش حد وقف جنبي وأولهم أهلي، إزاي عايزني أبعت لك فلوس وأنا مش في القاهرة وعندي أزمة مالية".

وأضافت: "ناس كتيرة راحت لأبويا واستغلوه علشان يحاربوني، وأنا كلمته وبعت له فلوس وكنت هروح أزوره، لكن عرفت بوفاته بعدها بيومين، ولما أهلي كلموني كنت في وعكة صحية شديدة وقافلة تليفوني".

طالع أيضا - وفاة والد أروى جودة

بوسي

وتابعت: "أكيد كان نفسي أكون جنبه وهو بيموت، وأكيد كان نفسي أتربى مع أبويا ويكون موجود في حياتي، وأحس إنه ظهر وسند لكن مكانش موجود من الأول، وفي الآخر هو أبويا".

وانتقدت بوسي قيام المطرب سعد الصغير بمساعدة والدها قبل وفاته، واصفة ما قام به بـ"شو" ومحاولة لعمل تريند.

وأكملت: "لو بتعمل خير مش محتاج تصوره أنت بتعمله لله، مش علشان تعمل تريند، ليه تدخل نفسك في حاجة لا تخصك، وفي الآخر أخذ جزاؤه من الناس".

بوسي

أوضحت بوسي أن تصرف سعد الصغير مع والدها تسبب في قطيعة بينهما قائلة: "أنا قاطعته لإنه تدخل في موضوع أبويا، ودي حاجة مش من حقه يتدخل فيها".

كما نفت بوسي خطبتها لسعد الصغير عام 2015 قائلة: "سنة 2015 كنت على ذمة طليقي، أتخطب لسعد الصغير إزاي؟ ولا في 2016 أو بعد طلاقي".

سعد الصغير

وكان سعد الصغير هاجم المطربة بوسي بعد وفاة والدها، وقال في مداخلة مع برنامج "عرب وود": "إنتي حرمتي أبوكي من الفرح في آخر أيامه كان بيتمنى تسألي عليه بس وآخر كلمة قالها حسبي الله ونعم الوكيل".

وتوفي والد بوسي في أغسطس 2022، عن عمر ناهز 85 عاما.

يذكر أن شركة روتانا طرحت أحدث أغاني المطربة بوسي بعنوان "مسولي وصبحوا"، من كلمات تامر حسين، ألحان عزيز الشافعي، وتوزيع جلال حمداوي.

اقرأ أيضا:

أول تعليق من شيماء سيف على صورها بالذكاء الاصطناعي: شجعتوني أخس (فيديو)

محمد رمضان يرد على أمير كرارة: يا أبو مخ ألماظ

أحمد سعد: أغلى تيشيرت اشتريته بـ 400 ألف جنيه ... وأرقامي في البنك من أول إمبارح غير النهاردة

أول تعليق لمحامي محمد رمضان بعد الحجز على الفيلا الخاصة به: إجراءات باطلة

لا يفوتك: لقاءات حصرية مع أبطال فيلم #بيت_الروبي في العرض الخاص

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5