ويجز يطرح "الدنيا ايه" قبل ساعات من حفله في "زيد إيست" ... تعرف على كلمات الأغنية (فيديو)

محمد سليم | فى موسيقى وحفلات

ويجز

الخميس , 22 يونيو 2023 - 19:06 | اخر تحديث: الخميس , 22 يونيو 2023 - 19:06

طرح نجم الراب ويجز عبر قناته الرسمية بموقع يوتيوب أحدث تراكاته بعنوان "الدنيا إيه".

وتراك "الدنيا إيه" من تأليف ويجز وتقول كلماته:

الدنيا ايه
غير كام جدع بمسي عليه
غير كام حسود أودي عليه
معايا ما يكفي اجبي عليك

نرشح لك - بجلابية وشيشة وملاية لف .. كواليس أحدث جلسة تصوير لهدى المفتي

ويجز

ايدي طايلة وبتوصل
تعاديني دغري هتتحسر
M1000 وبتفصل
فيها اول متعصب
فيها تاني ع الحامي
انا ع المارد الالماني
فين الكترة ف الغفلة
الليلة بيقعوا واحد ورا التاني

زهقت من اللي فيها
وايه اللي فيها جراوي مقدرش أأذيها
مقدرش اوسخ لبسي بيها
ف منفضلها ومقضيها
ياما قولنا الجيهة
واتشرفنا بيها
علمتني ازاي ابيعك
واشبح ع المكنة السريع

طالع أيضا - أحمد سعد وهاني فرحات وأيتن عامر أبرز المكرمين بجوائز الـMEMA

قديم ف الشغلة راسك متودكش
سكتنا الغاز سراديب وراسك متكفكش
كله عندك علي القد وعندي كله علي الكف
بقبض قد كله بجد ومبيصرفش معايا حد
ولا فارق معانا وعشان كدة رزقانا
وزميلي هنودي فمين كلها شباب تعبانة
باخد الوحش ف لفة وبعدها بدخل حالة
في حد يقوللي ف ودني
مبحتاجش اكتب حاجة
والطين بيفكرني والماس بيذوقوا
باليرينا تحررني والبوم هنسوقوا
وجمهور بشوقها
وانتوا غلابة والكار مش كاركو
مش هتعيشوا علشان افكركوا

ويجز

منافقين وقفولي علي الغلطة
ف عقولهم مرضي زميلي حسدوني علي سر الخلطة
زميلي اطفال بفلوس ونفوذ زميلي مش بنطق
لو طالبة معايا ابطلها ابطلها بس انا مدورها

مش ناسي عندي معاد و مليش ف الخدعة
كنت حاسس انها حلوة وكنا بنلعب
عجباني ومخترعها وهسجلها
ونفسي اجيبها كبس عالي واعومها
عفريت ع الفردتين حافظ الكورنيش
سبت الباقي مني بحكم اكل العيش

حقودين واخدة مني وش انتوا شايفني ايه
دلوقتي بسأل نفسي الوحش ده كان فين بس
لما طبقي بينزل دايماً بنسي
وفاكر لما وقعت وبقوم اذكى
ايام تركي ومايو كانت اهدي
حال الدنيا غصب بس واحشاني بنت

ويجز

الدنيا ايه
غير كام جدع بمسي عليه
غير كام حسود أودي عليه
معايا ما يكفي اجبي عليك

ويأتي طرح التراك الجديد قبل ساعات من إحياء ويجز حفلا غنائيا في Zed East بالتجمع الخامس، مساء الجمعة 23 يونيو الجاري، بعد غياب طويل عن إحياء الحفلات في مصر.

وطرحت الشركة المنظمة لحفل ويجز في زيد إيست أسعار تذاكر الجمهور، حيث جاءت الأسعار على 3 فئات كالآتي: الأولى بـ500 جنيه، والثانية بـ750 جنيهًا، والثالثة بـ1000 جنيه، بينما لا يمكن حجز التذاكر لعمر أقل من 12 عاما.

ويجز

وأعلن تطبيق VALU إمكانية الحصول على تذكرة للحفل بالتقسيط على 3 أشهر.

ومن المقرر أن يبدأ ويجز حفله يوم 23 يونيو، في تمام الساعة التاسعة مساءً، ويقدم فيه العديد من أغانيه المميزة، التي يتفاعل معها الجمهور، أبرزها البخت، دورك جاي، الغسالة وغيرها.