بسمة وهبة توجه رسالة قوية لصاحبة "الفستان الأزرق" وتكشف مفاجأة: متستخبيش وعقوبة المصور تصل لـ10 سنوات

محمد أحمد | فى حياة المشاهير

بسمة وهبة وصاحبة واقعة الفستان الأزرق

الخميس , 22 يونيو 2023 - 13:06 | اخر تحديث: الخميس , 22 يونيو 2023 - 13:06

وجهت الإعلامية بسمة وهبة رسالة إلى ياسمين صاحبة واقعة "الفستان الأزرق" بعد تعرضها للتنمر عبر السوشيال ميديا نتيجة رقصها في فرح صديقتها.

وقالت بسمة وهبة، خلال برنامجها 90 دقيقة على قناة المحور: "في ناس قاعدة على السوشيال ميديا عشان يعملوا أصحاب فضيلة وينظروا على الناس وهم فشلة، ياسمين كانت في فرح صديقتها ورقصت وكانت محاطة بالنساء، لم يكن هناك إلا رجل أو رجلان.. كونها إنها شكلها حلو وبترقص حلو فدي حاجة مش بتاعتي ولا بتاعتكم".

نرشح لك - نيقولا معوض يكشف لـ"في الفن" سر اعتذاره عن "الحشاشين" الموسم الماضي: بحب العمل مع كريم عبد العزيز وسعيد بشخصية عمر الخيام

وأضافت: "ياسمين كانت بترقص لأنها تشعر بمشاعر الفرحة لصديقتها، لكن المدان هو من التقط مقطع الفيديو ونشره على السوشيال ميديا، يجب أن يحاكم بالقانون، وقد يسجن لمدة 10 سنوات إن لم يحصل على إذنها للتصوير".

بسمة وهبة

ووجهت بسمة وهبة رسالة إلى ياسمين قائلة: "إوعي تستخبي يا ياسمين أو السوشيال ميديا تقضي عليكِ، خليكي قوية، لكن بعد كده بلاش تأمني لحد تاني وإنك تبقي على سجيتك في مكان عام، لأن هناك لصوص السوشيال ميديا الذين لا قلب أو ملة أو دين أو أخلاق".

من جانبها بكت ياسمين، صاحبة الفستان الأزرق على الهواء مع بسمة وهبة، وقالت: "حسبي الله ونعم الوكيل في الشخص اللي نزل الفيديو، والناس اللي استعملته بشكل خاطئ وتحدثوا عني بالباطل وطلعوا عني شائعات، أنا بقيت مكسوفة أنزل أمشي في الشارع من كتر الكلام والتعليقات السخيفة".

وواصلت باكية: "مش مسامحة أي حد بيتكلم في عِرضي أو أساء لي أو لأهلي أو لتربيتي، وحسبي الله ونعم الوكيل في كل اللي وقفوا ضدي، أنا مبعملش حاجة غلط، الدنيا كلها بتفرح والدنيا كلها بترقص".

بسمة وهبة

وتابعت: "90% من الواقفين في الفرح كانوا سيدات، الفرح كان عائلي ومكنش في حد، اتقال إني رايحة أجيب عريس، ده كلام يوجع، أنتم لا تتخيلون الوجع الذي عانيته وعانته والدتي، مفيش حد له حق يحكم على حد بالطريقة دي".

واختتمت ياسمين: "أنا طالبة في كلية الآداب جامعة المنصورة، ولست متزوجة، وبسبب ما حدث خشيت من الذهاب للامتحانات".