نهى العمروسي: بناة الأهرامات مش بشر والمسيطرين على الكوكب عاملين لنا تنويم مغناطيسي

نهال ناصر | فى حياة المشاهير

نهى العمروسي

الجمعة , 16 يونيو 2023 - 12:06 | اخر تحديث: الجمعة , 16 يونيو 2023 - 12:06

أثارت الفنانة نهى العمروسي جدلا كبيرا بعد حديثها عن الأهرمات وأن قدماء المصريين لم يقوموا ببنائها.

وعبر حسابها على Facebook كتبت نهى العمروسي رأيها في فكرة بناء الأهرامات وكونها مقابر لملوك الفراعنة قائلة: "بناة الأهرامات مش المصريين القدماء، أنا عارفة إنتوا هتجزوا علي سنانكم مني بس مش مهم، أنا باحثة عن الحقيقة، والحقيقة بتقول أن أجدادنا مش هم اللي بنوا الأهرامات، والأهرامات مش مقابر أصلا، دي حكاية فوق خيالكم، بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دى ، يللا اشتموني بسرعة وطلعوني جاهلة".

منشور نهى العمروسي عن بناة الأهرامات

نرشح لك: هل تمر هنا الزاهد بأزمة عائلية مع كريم فهمي وزوجته؟ الـUnfollow سيد الموقف

وتابعت نهى العمروسي في منشور آخر: "طيب ابحثوا عن الألواح السومرية و بالذات اللوح الـ 10 و11 إللي Enki كاتب فيه تفاصيل عن بناء الأهرامات، الألواح دى كانت مدفونة تحت الطين من آلاف السنين ولقوها في العراق، أظن دى آثار و علماء الآثار أثبتوا إنها أثرية مش حديثة".

تعليق نهى العمروسي

وأكملت نهى العمروسي: "بناة الأهرامات مش بشر أصلا، مش من الجنس البشرى، وتماثيلهم العملاقة ده طولهم الأصلي مش تضخيم ليهم".

نهى العمروسي أثارت جدلا كبيرا

وأكدت نهى العمروسي أنها تعرف جيدا الاتهامات التي ستوجه لها وأنه تبحث عن الترند مشيرة إلى أن ما تقوله هو الحقيقة: "انا مش هجادل حد، أنا بفجر الحقيقة في زمن كاره للحق لناس خدت علي التغييب وبيعشقوا الكدابين و بيصنعوا أبطال من ورق، ناس أدمنت الخديعة وبياخدوا أي معلومة متوارثة كإنها يقين لأن كدة أريح بكتير من الثقافة والمعرفة و التعب، اشتموني علي أد ما تقدروا وجهلوني واتهموني بإن هدفي الترند لإن ده بيعكس اللي جواكم وده وعيكم، أنا إللي يفرق معايا إن فيه قلة قليلة منكم وعيهم واسع وعقولهم منورة ممكن تعمل مجهود وتبحث وتدور توصل للحقيقة".

تعليق نهى العمروسي

يذكر أن آخر أعمال نهى العمروسي كان مسلسل "الخانكة" عام 2016 مع غادة عبد الرازق وماجد المصري وفتحي عبد الوهاب وسماح أنرو ميرهان حسين من تأليف محمود دسوقي وإخراج محمد جمعة.