علي ربيع يعلق على احتفال لاعبي الأهلي على أغنية "سطلانة"

مروة لبيب | فى سينما وتلفزيون

علي ربيع

الثلاثاء , 13 يونيو 2023 - 01:38

علق الفنان علي ربيع على احتفال لاعبي النادي الأهلي ببطولة دوري أبطال إفريقيا على أنغام أغنية "سطلانة" من فيلم "بعد الشر".

وانتشر فيديو لحظة دخول لاعبي النادي الأهلي إلى غرف الملابس وهم يحتفلون أمام المصورين على أنغام أغنية "سطلانة".

وفي مداخلة هاتفية مع الإعلامي هاني حتحوت في برنامج "الماتش" الذي يعرض عبر قناة "صدى البلد" قال علي ربيع " أنا مبسوط أوي لفرحة اللاعيبة على أغنية "سطلانة"، أنا طول عمري بحب النادي الأهلي ومتخيلتش في يوم من الأيام إن اللاعيبة يحتفلوا ببطولة كبيرة كدا على أغنية ليا من فيلم".

نرشح لك - بالصور ... وصفات مي عمر للحظات سعيدة بأشياء بسيطة

وأشار علي ربيع إلى أنه لم يتواصل مع لاعبي الأهلي وأنه ينتظر حتى يأخذوا قسط من الراحة مشيرا إلى أنهم نالوا بطولة كبيرة.

وعن المباراة قال علي ربيع إنه كان يتمنى الفوز للأهلي بعد أول جول للوداد وبالفعل استطاع الفريق أن يحرز هدفا.

أما عن اللاعبين المفضلين لعلي ربيع قال "بحب الخطيب وعماد متعب جدا".

وعبر علي ربيع عن أمنيته بالتعاون مع اللاعب طاهر محمد طاهر في عمل سينمائي.

طاهر ومتولى DJ. 😅
لاعبو الأهلي لديهم مهنة جديدة الآن. 🎧#TotalEnergiesCAFCL | @AlAhly pic.twitter.com/PjeJBKHGUe
— دوري أبطال إفريقيا وكأس الكونفدرالية 🏆 (@CAFCLCC_ar) June 11, 2023

وأغنية "سطلانة" هي الأغنية الرسمية لفيلم "بعد الشر" غناها عبد الباسط حمودة ومحمود الليثي وحمدي بتشان وحسن الخلعي، وبسبب احتفالات فريق الأهلي على هذه الأغنية، ارتفعت مشاهداتها خلال ساعات لتصل إلى أكثر من 3 مليون مشاهدة.

وأغنية "سطلانة" من كلمات مصطفى حسن وألحان كريم عاشور وتوزيع أماديو.

وتقول كلمات الأغنية:

يادكتور شوفلي تصريفة
ابوس ايديك اكتبلي روشته
ده انا جوايا حتة نضيفة
خدها ارميها ف اي حتة
نفسي اقطعها
نفسي اقلعها
زي ما بقلع الجاكتة
ده الناس وحشة وحشة
وجيت ابيع حب ماحدش نفعني قفلت الدكانة

هوووووه سطلانه

كنكة بن تفوقفني مافوقتش
رشة ماية تفتحني مافتحتش
راكب دماغي ودايس
ومزاجي ف الطالع خالص
اسرع من صواريخ وكالة ناسا
ده الواحد ياما آسي
هابعد بعيد لاتعدي م الناس العيانة

ااااووووووه سطلانة

والنبي تديني ياشيف
حبة دلع ف رغيف
علشان اشبع م الفرحة
واوفر المصاريف
عمالة الدنيا تلف تلف ومرقصانا

يا نفسي خليكي فنفسك
يا اما حتبقي الغلطانه
ويا احساساتي حفضل حابسك
احسن تجري علي اللي اذانا
خدت العلاجات وماحفتشي
اعصابي تلفانة

هوووووه سطلانة

يابت ياحب الحب ياقلب القلب يانن العين
بحبك اكتر م الفاكهه واكتر من شنطة فيها ملايين
عايز اشوفك ياهدلق عليكي وعليا شوية بنزين

ايوة انا مجنون في حبك ودماغي تعبانة

هوووووه سطلانة

فيلم "بعد الشر" تأليف أمين جمال ووليد أبو المجد وإخراج أحمد عبد الوهاب، وبطولة علي ربيع، ميرنا نور الدين، أوس أوس، رنا رئيس، بيومى فؤاد، عمرو عبد الجليل، هالة فاخر وشيرين، وعدد آخر من الفنانين.