علاء زينهم: رفضت دور متحرش في فيلم لإيناس الدغيدي وكنت مبسوط

مروة لبيب | فى سينما وتلفزيون

علاء زينهم

الثلاثاء , 13 يونيو 2023 - 00:36

قال الفنان علاء زينهم إن هناك دورا رفضه ولم يندم عليه في فيلم لإيناس الدغيدي بل على العكس كان سعيدا.

وخلال لقائه مع برنامج "واحد من الناس" قال علاء زينهم " كان فيلم مجنون أميرة لإيناس الدغيدي وكان معروض عليا دور متحرش واتناقشت معاها لمدة ساعة ونص، وبالغت جدا فى الاجر علشان ترفض تاخدنى، ولما اتنقشت مع اولادى قالوا لى يا بابا اوعى تعمل الدور ده الناس بتقابلك فى الشارع هتقولك ايه.

علاء زينهم

وتابع علاء زينهم "ابني الكبير قالي لو محتاج فلوس أجيبلك فلوس ولو مش محتاج متعملش الدور وانا رفضته وأنا سعيد".

علاء زينهم

نرشح لك - بالصور ... وصفات مي عمر للحظات سعيدة بأشياء بسيطة

وخلال اللقاء كشف الفنان علاء زينهم كواليس خلافه مع الفنان سيد زيان في مسرحية "العسكري الأخضر" والذي تسبب بانسحابه.

وقال علاء زينهم ":أنا كنت بمثل فى مسرحية "العسكرى الاخضر" وكان في مشهد المفروض ان سيد زيان بيضربنى فيه بالقلم وانا رفضت، وقولتله لو ضربتنى هاضربك وبعدها رفضوا استمرارى وقولت ليهم ده اخر يوم ليا معاكم، وكانوا فعلا بيدوروا على حد تاني".

ولفت علاء زينهم إلى أنه تصالح مع الفنان سيد زيان بعدما التقاه مجددا مضيفا "اتقبلنا بعد كده وقالى لسه خايف منى ومش عاوز تشتغل معايا واتصالحنا.

علاء زينهم

كما تحدث عن موقف اخر حدث له بسبب رفض الضرب في الأعمال الفنية قائلا "استاذ هانى لاشين فى مسلسل زعل منى لانى رفضت اضرب ابنى وانا مش بحب اضرب حد أو اتضرب، حتى احمد زاهر مضربنيش فى مسلسل البرنس، ومحمد سامى الله يكرمه اخد لى شوطات من زوايا مختلفة اعطت احساس بالقلم وستات فى الشارع كانت تقابلنى تقولى ازاى يضربك كده واحلفلهم أن ده تمثيل".

من ناحية أخرى شارك علاء زينهم شارك في مسلسل "جت سليمة" من بطولة دنيا سمير غانم محمد سلام، سامي مغاوري، هالة فاخر، خالد الصاوي، شيرين، محمد ثروت، غادة طلعت، مايان السيد وعدد آخر من ضيوف الشرف، تأليف كريم يوسف وسامح جمال، وإخراج إسلام خيرى وإنتاج أحمد السبكى.

اقرأ أيضا:

"اللي جاي من فيديو طاهر يعمل لايك" … احتفال لاعبي الأهلي بدوري أبطال إفريقيا يرفع مشاهدات أغنية "سطلانة"

سلمى أبو ضيف تكشف عن أكثر عيب في شخصيتها تتمنى أن تتخلص منه

على طريقة "ريا وسكينة" … إسلام إبراهيم يسخر من فيديو "أخت العريس"

حورية فرغلي: كنت مخطوبة لمسئول إماراتي مات قبل الفرح بيوم (فيديو)

لا يفوتك: تحليل النغمات مع عمك البات: تقييم أغنية "بعلنها" لهيثم سعيد

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5