عمرو أديب معلقا على هجوم قرش الغردقة: البحر بتاع السمك وإحنا دخلاء عليه

محمد سليم | فى سينما وتلفزيون

عمرو أديب

السبت , 10 يونيو 2023 - 00:06 | اخر تحديث: السبت , 10 يونيو 2023 - 00:06

علق الإعلامي عمرو أديب على واقعة هجوم سمكة قرش على أحد السائحين بمدينة الغردقة، مؤديا لوفاته.

وقال عمرو أديب خلال تقديمه برنامج "الحكاية" المذاع عبر قناة MBC مصر: "معلش دي نظرة فلسفية شوية، البحر ده بتاع السمك ده، وإحنا موجودين دخلاء عليه".

نرشح لك - للمرة الثانية ... هنيدي يتراجع عن الهزار لنفس السبب

وأضاف: "لما قريت شوية عرفت إن سمك القرش بيشوف البني آدم من تحت وهو عايم وبيشوف رجليه كإنه كلب البحر، وبيبقى جعان وعايز يطلع ياكل".

عمرو أديب

وتابع: "عادة في أغلب الحالات أول ما يحط أسنانه بيلفظ الإنسان لإن مش دي الحاجة اللي يعرف طعمها، وهو طبعا عنده عدم تمييز كبير، وأول مرة أعرف إن القرش عنده أصغر مخ في كل الكائنات".

طالع أيضا - دوللي شاهين: حاولت الانتحار مرات دفاعا عن مستقبلي ... ومحبش بنتي تدخل الوسط الفني

عمرو اديب: البحر ده بتاع السمك .. والقرش بيشوف الانسان من تحت شبه كلب البحر وده سبب الهجوم
يعرض الآن مجاناً على شاهد#Shahid https://t.co/gnzIdP7ziw #الحكاية #MBCMASR2 pic.twitter.com/MxHnXRa96I
— الحكاية (@Elhekayashow) June 9, 2023

وخلال الساعات الماضية، انتشر عبر مواقع التواصل الاجتماعي فيديو لسمكة قرش تلتهم سائحا روسيا في مدينة الغردقة، وأصدرت الدكتورة ياسمين فؤاد وزيرة البيئة، تعليماتها بسرعة تشكيل لجنة من المختصين بمحميات البحر الأحمر فور تلقي وزارة البيئة بلاغا بوقوع حادث هجوم سمكة قرش على أحد مرتادي شواطئ مدينة الغردقة، وذلك للتوجه إلى موقع البلاغ من أجل التحقق من ملابسات الحادث.

وأوضحت وزيرة البيئة، في بيان صدر الخميس، انتهاء أعمال الفحص إلى تأكد رجال محميات البحر الأحمر من وقوع هجوم من سمكة قرش من نوع النمر Tiger Shark على أحد رواد الشاطئ؛ مما أدى لوفاته.

كما تم إصدار تعليمات باتخاذ إجراءات لإيقاف أنشطة السباحة والسنوركلينج والرياضات المائية بنطاق المنطقة المحصورة بين منتجع الجونة شمالا وحتى الحد الجنوبي لخليج أبو سومه جنوبا؛ لمدة يومين تبدأ من صباح يوم الجمعة الموافق ٩/٦/٢٠٢٣، بالتنسيق مع محافظ البحر الأحمر.