10 وصايا من ياسمين عز لزوجات المشجعين الأهلاوية قبل مباراة الوداد: بلاش تقولي واك واك

محمد أحمد | فى حياة المشاهير

ياسمين عز

السبت , 3 يونيو 2023 - 19:26 | اخر تحديث: السبت , 3 يونيو 2023 - 22:02

وجهت الإعلامية ياسمين عز نصائح للزوجة للتعامل مع زوجها الأهلاوي قبل مباراة الوداد المغربي غدا في ذهاب نهائي دوري أبطال إفريقيا.

وقالت ياسمين عز في برنامجها "كلام الناس" في موجهة حديثها للزوجة المصرية: "البيوت بتكون متكهربة والرجالة بتكون متوترة وعلى أعصابها وعشان بحبك الوصايا العشر للتعامل مع جوزك الأهلاوي قبل مباراة الغد".

ياسمين عز

نرشح لك: ربطتها شائعات بنور الشريف وحققت حلم طفولتها برسم "تاتو" واتخذت من ابنتها "إيفا" صديقة بعد الانفصال عن والدها ... ما لا تعرفه عن ساندي علي

وجاءت الوصايا كالتالي:

- بلاش أكل دسم والغداء يكون خفيف عشان يشجع في كامل طاقته ونشاطه واعمليله نفس الأكل اللي كنتي عملاه ماتش الترجي اللي فات من باب التفاءل قبل المباراة.

- قوليله المصطلحات اللي تفكره بالبطولات السابقة الأرض لا تنسى جباه الساجدين ولو اسمه علي اندهي عليه قوليله سي علي سي.

- بلاش الاسبوع دا تعمليله بط بالبورتقال وبلاش تعمليله بوظ البطة أو تقوليله "واك واك" عشان البطة و"الواك واك" من الرموز المميزة لنادي الوداد.

ياسمين عز

- لو جوزك عصبي شيلي اى حاجة معرضة للكسر في حدود 20 متر حواليه وأعمليله شاى في كوباية كرتون عشان انتي متعرفيش رد فعله لو ضاعت أى فرصة من لاعبا الأهلي طاهر محمد طاهر وأحمد عبد القادر.

- اعملي ان مامتك وحشاكي وروحي باتي عندها يوم الماتش.

- خلي في الثلاجة اليوم دا حاجة حلوة وحاجة حادقة لأن الماتش صعب ووارد يجليه نوبة سكر بعد الماتش أو ضغطه يعلى.

- لو لقتيه ساكت بلاش اسئلة مستفزة مثل "انت بتفكر في واحدة تانية غيري".

- الماتش معروف معاده من شهر فبلاش عزومات اليوم دا.

- بلاش تنضيف البيت اليوم دا وبلاش جو مدام نظيفة ووفري طاقتك لحد ما الماتش يعدي.

- لو جوزك متجوز 3 متقوليلهوش شكلك بتفكر في الرابعة عشان ده فال وحش جدا لأنها البطولة اللي بيفكر فيها الوداد.

- يحذر الكلام عن أي فلوس أو فواتير أو طلبات واستني الماتش يخلص واجلي طلباتك لحد ما يهدى.

ويستضيف ملعب استاد القاهرة مباراة الأهلي ضد الوداد المغربي في ذهاب الدور النهائي لبطولة دوري أبطال أفريقيا الأحد 4 يونيو 2023 عند الساعة التاسعة مساء بتوقيت القاهرة- مصر.

وتنقل قناة On TimeSorts الأرضي المباراة بشكل رسمي، خاصة وأن جميع المباريات الأفريقية للأهلي على ملعبه تُنقل بشكل طبيعي عبر هذه القناة بجانب بي إن سبورتس ومباريات خارج الأرض لا تنقل عبر القناة الأرضية لأون تايم سبورتس.