خاص نصائح النقاد - علا الشافعي: ياسمين عبد العزيز محتاجة مدرب تمثيل وعمرو سعد حالة ميؤوس منها ومكي لازم يبطل كسل

مروة لبيب | فى سينما وتلفزيون

علا الشافعي وياسمين عبد العزيز وعمرو سعد

الأحد , 28 مايو 2023 - 14:05 | اخر تحديث: الأحد , 28 مايو 2023 - 14:05

شهدت دراما رمضان المنصرم تنوعا كبيرا في الأعمال الدرامية بين الدراما الاجتماعية والكوميدية والأكشن وغيرها، مما خلق أجواءا من المنافسة الشرسة بين النجوم وتصدر أعمال نسب المشاهدة دون غيرها.

وفي ظل هذه المنافسة لاقت أعمال نجاحا كبيرا بينما أخفقت أخرى، لذا تواصل موقع FilFan.com، مع الناقدة علا الشافعي لتعطي نصائح للفنانين من أجل الحفاظ على النجاح أو تعويض إخفاقات الموسم.

ووجهت الناقدة علا الشافعي نصائح لنجوم رمضان فقالت عن الفنان محمد رمضان "أتمنى أشوف محمد رمضان في أدوار مختلفة ومتنوعة وكنت مبسوطة إنه حاول يغير التيمة المكررة في "موسى" و"المشوار"، لكن مكانتش على قد طموحه والنجاح اللي حققه وعلشان كدا هو مستريح في الشغل مع سامي".

نرشح لك: عمرو مصطفى يكشف سبب خلافه مع الهضبة: عايز يحجمني ودي كانت الضربة القاضية

وعن الفنانة ياسمين عبد العزيز قالت علا الشافعي "نفسي ياسمين عبد العزيز ترجع تعمل حاجات خفيفة، لأنها مصرة تقدم دراما اجتماعية وأتمنى إنها ترجع لأدوار الايت كوميدي لأنها في المنطقة دي ملهاش منافس ولازم يكون معاها مدرب تمثيل لإن موهبتها ربانية بالفطرة وعندها حضور طاغي وهي محتاجة تدعم دا بإن يبقى عندها مدرب تمثيل مش عيب في العالم كله الناس بتعمل دا لإن دا هيخليها تشتغل على الشخصية داخليا".

ياسمين عبد العزيز ضرب نار

وأضافت علا الشافعي "التمثيل مش صوت عالي مش بالضرورة تلعبي حواجبك أو تبرقي بعنيكي في طرق مختلفة للأداء والتمثيل ولازم يوظف تفاصيل كتير علشان الشخصية تتقدم بصورة أفضل".

وعن تعاون ياسمين عبد العزيز المتكرر مع العوضي قالت علا الشافعي" نصيحتتي ليهم ينفصلوا موسم وياسمين ترجع لأدوار اللايت كوميدي والعوضي يشوف نمط مختلفة مناسبة لطموحه ولو رجعوا اشتغلوا لازم يشوفوا الدراما فارضة عليهم إيه مش يلوو دراع الدراما علشانهم".

أحمد مكي من مسلسل الكبير 7

وعن الفنان أحمد مكي قالت علا الشافعي" أحمد مكي معجون موهبة .. هو مش بس ممثل كمان مخرج وبيغني، لكن كسل منه استكانته لمسلسل الكبير لإن عنده براح يعمل شخصيات تانية كتير وتركيبات مهمة ومختلفة سواء كممثل درامي أو كوميدي".

عمرو سعد في الأجهر

وعن استمراره في مسلسل الكبير قالت علا الشافعي " لو رجع للكبير لازم يكون بمنطق مختلف بعيدا عن السوشيال ميديا، لإن الدراما السنة دي مكانتش في محلها علشان الاعتماد الأكبر كان على السوشيال ميديا على عكس السنين اللي فاتت، وكمان مساحة الشخصيات مكانتش في محلها زي غياب فزاع ودكتور ربيع".

وعن الفنانة أمينة خليل قالت علا الشافعي " محتاجة إن أمينة خليل تشتغل على نفسها أكتر من كدا، لإنها بتستسلم إنها أمينة خليل لكن هي محتاجة تشتغل على صوتها لإنها كانت بتبالغ في إنها رقيقة ودا بيخلي مخارج الألفاظ مش واضحة".

أحمد العوضي في مسلسل ضرب نار

وعن الفنان عمرو سعد قالت علا الشافعي " عمرو سعد حالة ميؤوس منها، هو مش واخد باله إنه كبر لسة بيعمل دور الشاب اللي بيتنطط ويجري ويستخدم الحوار المسجوع طول الوقت وتيمة مكررة للبطل الشعبي، لازم يقدم أدوار متنوعة ومحتاج يقف مع نفسه ويحدد اختياراته".