محمود حميدة يرد على استبدال بيومي فؤاد به في "مطرح مطروح": لو كنت أعرف مكنتش وافقت

مي جودة | فى حياة المشاهير

بيومي فؤاد ومحمود حميدة

الأحد , 14 مايو 2023 - 04:26 | اخر تحديث: الأحد , 14 مايو 2023 - 04:31

تحدث الممثل محمود حميدة عن واقعة ذكرها الفنان بيومي فؤاد حول استبداله في فيلم "مطرح مطروح" بحميدة، وتعبه بسبب ذلك خاصة أن الفيلم من فكرته.

قال حميدة: "أنا موقفي في الحاجات دي ثابت من زمان ولو أنا كنت أعرف الموضوع ده مكنتش هوافق على العمل، المخرج وائل إحسان قال لي أن هو عرف وهو في النص العمل الموضوع الخاص ببيومي فؤاد وهو خاف يقولي لمكملش الفيلم"، حسب لقائه في برنامج "The Insider بالعربي".

وتابع: طبعا أنا معرفش أنا كنت هعمل إيه ساعتها، بس أنا في المواقف دي طبعا برفض، ولو عرفت الحكاية دي، وخصوصا إذا كانت هتسبب ألم، لأن أنا عمري في حياتي ما عملت كده، أنا كنت دايما لما طلعت كنت بعمل لأحمد زكي ومحمود عبد العزيز وفاروق الفيشاوي، ولما كان بيحصل موضوع زي ده ويقولولي العمل ده كان المفروض يعمله فاروق بس أنت هتعمله أسالهم فاروق عرف، يقولوا اه، اقولهم كلموه".

View this post on Instagram

A post shared by The Insider بالعربي (@theinsiderar)

يذكر أن بيومي فؤاد صرح في برنامج "أنا والقناع" في رمضان 2023، أنه تعرض للغدر من المنتج محمد السبكي، وأدى ذلك لارتفاع ضغط عينه بطريقة خطيرة، قائلا: "محمد السبكي يعلم هو عمل إيه، أعطيته فيلمي، وناس كتير وجامدين طلبوا مني يعملوا الفيلم لكن أنا فضلته، ولما الؤلفين اشتكوا من الأجر دفعت لهم من جيبي ليقبلوا التوقيع، بعد توقيع المؤلفين جاب محمود حميدة يعمل الفيلم، وهو مطرح مطروح".

وأضاف: لما سمعت الخبر ضغط عيني وصل فوق 50 والطبيعي 20، وكان لازم عملية.

فيلم "مطرح مطروح" بطولة محمود حميدة، كريم عفيفى، ليلى أحمد زاهر، شيماء سيف، سامى مغاورى، محمد السعدنى، شريف ثروت ومحمدى القاضي وتأليف محمد عز وإخراج وائل إحسان.

اقرأ أيضا:

مصطفى كامل: تأجيل انتخابات "الموسيقيين" شائعة.. وعضو محال للنيابة يسعى للفتنة والبلبلة

صافيناز: بقول يا رب قبل ما أرقص عشان مموتش على المسرح

ظهور أمير عيد ودخول عفروتو على دراجة نارية .. تفاصيل حفل ريد بل ساوند كلاش

شيرين عبد الوهاب ترقص مع حسام حبيب على أغنية "كل ما أغني" (فيديو)

لا يفوتك: "تحليل النغمات مع عمك البات": تقييم أغنية "زينة" للمطربة الفلسطينية ناي البرغوثي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5>