وجه المخرج كريم العدل رسالة لشركات إنتاج الأعمال الفنية والمخرجين، طالبهم فيها بالتوقف عن إصدار أوامر تصوير "أوردر" أطول من 14 ساعة في اليوم.
ونشر كريم العدل عبر حسابه بموقع التواصل الاجتماعي فيسبوك رسالة قال فيها: "انا ومخرجين كتير غيري، بنحارب طول الوقت على فكرة اننا مش هنصور اكتر من ١٤ ساعة في اليوم -اللي هو اصلا كتير على فكرة- غير في الضرورة القصوى… و فجأة نتفاجئ بأوردر تصوير بيبدأ الساعة ٤ فجر الجمعة.. و بيخلص الساعة ١٠ صباحا يوم الحد؟!! ٥٤ ساعة؟؟!!!! و المفاجأة بقى انه ((فيلم)) كمان مش مسلسل مثلا، فمضغوطين علشان يسلموا الحلقات في رمضان ولا اى حاجة -رغم ان برضه المبدأ مرفوض تماما بس يجوز تفهمه".
نرشح لك - أحمد فهيم يكشف لـ"في الفن" كواليس أصعب مشاهده وسر قبوله دور "سيد" في مسلسل "جعفر العمدة"
وأضاف: "فيعني ايه؟ و ازاي؟ و ليه الناس موافقة؟ و مين اللي إدى الحق للمنتج او المخرج انهم يعملوا اوردر ٥٤ ساعة؟؟ و يعني ايه ممثل يقف قدام الكاميرا و هو بقاله فوق ال٤٨ ساعة مابينامش؟؟ يعني ايه كرو إضاءة و پانثر يبقوا بيشيلوا معدات و يحطوا و ينزلوا و يطلعوا لمدة تفوق ال٤٨ ساعة؟؟ طيب فين النقابة؟؟ و هل السوق ده بقى ماشي بالسُخرة؟؟ هل الكرو تحول الى عبيد بالنسبة لكم؟؟!! طيب هل المنتج هيدفع اجر الناس يومين و نص ولا ٣ ايام ولا هيدفع بزيادة علشان يعوضهم؟؟! ".
وحذر كريم العدل من تعرض أطقم العاملين في الأعمال الفنية لأزمات صحية في هذه الحالة قائلا: "طيب لو حد بعد الشر جرى له حاجة ولا مات -و شوفناها و حصلت قبل كده- مين اللي هيتحمل المسؤولية؟؟؟!! ".
طالع أيضا - الكاتب الصحفي مصطفى حمدي يشيد بتجربة مسلسلات الـ15 حلقة: أنسب إلى الكوميديا والموضوعات الشيقة
وتابع: "طيب لو المخرج -اللي انا شخصيا اول مرة اسمع اسمه- مش خايف على نفسه ولا على شغله ولا على صحته، احنا ذنبنا ايه؟ هو مش فاهم انه بيضر السوق كله؟؟ و ان غالبا بعد شوية ده بيتحول للعادي، و ان طالما حصلت مرة يبقى ليه ماتحصلش تاني؟؟ مش فاهم ان عنده زملا بيحاربوا في كل مشروع سواء فيلم او مسلسل علشان مايحصلش في الكرو بتاعهم كده؟؟!!! ".
واختتم كريم العدل رسالته بقوله: "عامة انا اول مرة اسمع اسم المخرج، و اول مرة اسمع اسم شركة الانتاج.. و مع كامل احترامي ليهم احب اقول لهم حرام عليكم و عيب.. و احب اقول للصناع و الكرو و الناس اللي ورا الكاميرا من فضلكم ماتسكتوش يا جماعة.. ده مش عادي ولا طبيعي!! كفاية عبث في الشغلانة… العبث اللي فيها مكفيها والله".
يذكر أن كريم العدل عرض له مؤخرا مسلسل "أزمنة منتصف العمر"، ويشارك فيه عدد كبير من النجوم أبرزهم: ريهام عبد الغفور، كريم فهمي، رشدي الشامي، ركين سعد، رنا رئيس، عمر السعيد، وعدد آخر من الفنانين، والمسلسل من تأليف أحمد عادل ومعالجة درامية لـ كريم فهمي وكريم العدل وإخراج كريم العدل.
وتدور أحداث المسلسل حول إمرأة تتزوج رجل أكبر منها سنا، وتحب زوج ابنتها، وتتطور الأحداث بعد ذلك.
اقرأ أيضا:
هل قدم صناع تحت الوصاية اللهجة الدمياطي بدقة؟ تعرف على أنواعها
"جت سليمة" النسخة الحديثة لـ"ألف ليلة وليلة" … 5 تشابهات بين العملين
مجدي بدر لـ"في الفن": ردود الفعل فاجأتني في "جعفر العمدة" ونهاية "بلال شامة" غير متوقعة
لا يفوتك: أسرار يوسف عثمان في الحفاظ على أناقته
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5