مي عمر: مستحيل أشتغل مع غادة عبد الرازق.. ومسلسل "الأسطورة" أهم أدوار حياتي

محمد أحمد | فى دراما رمضان

مي عمر

الأحد , 26 مارس 2023 - 19:03 | اخر تحديث: الأحد , 26 مارس 2023 - 19:03

أكدت الفنانة مي عمر، استحالة تقديمها بطولة مشتركة مع النجمة غادة عبد الرازق بسبب خلافها القديم مع زوجها المخرج محمد سامي.

وقالت" "مستحيل أمثل بطولة مشتركة مع غادة عبد الرازق وخلافنا موضوع قديم ولكن لازم يكون في كيميا بيني وبين الممثل عشان نعرف نعمل شغل حلو".

نرشح لك - القائمة الكاملة لمسلسلات رمضان 2023 مواعيد وقنوات عرضها

وأضافت الفنانة مي عمر، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناس، أنها لا تعتقد امكانية تقديمها عمل جيد مع النجمة غادة عبد الرازق، موضحة: "معتقدش نعرف نعمل شغل حلو مع بعض لان كان في خلاف قديم ومش معنى أنه عدى أننا نشتغل مع بعض".

مي عمر

واستكملت: "أنا مكنتش موجودة في الموضوع أصلا ولكن الموقف مع جوزي وهي نجمة وممثلة شاطرة جدا، ولكن زعلت عشان جوزي وفي حاجات صعب تخطيها".

ونوهت مي عمر، أنها لا تدخل في تجربة فنية مع فنان لا تكون مطمئنة في الشغل معه، قائلة: "محمد رمضان نجم كبير وعملت معاه أول مسلسل ليا الاسطورة وكان من أهم الأدوار في حياتي وهو بالنسبة لى مش شخص عادي وكان بيشجعني وحاجة مهمة في تاريخي الفني".

وأشارت إلى شعورها بالراحة خلال العمل مع ياسر جلال، مضيفة: "ياسر جلال عملت معاه الفتوة وكان من أهم الأدوار، وهو على المستوى الانساني أخ ليا وممثل تقيل قوي، ولما بمثل معاه بحس بكيميا عالية جدا في التمثيل واستمتع بالشغل معاه على المستوى المهني والانساني".

وعبرت مي عمر، عن سعادتها بتجربة العمل مع النجم حسن الرداد، متابعة: "حسن الرداد دمه خفيف جدا وعملت معه شغل وبنعمل فيلم جديد مع بعض، ولو اتعرض عليا ثلاث أدوار واختار واحد منهم سواء محمد رمضان او ياسر جلال او حسن الرداد سأختار الدور الأفضل ليا".