أحمد ثروت يشكر والده بعد وقوفه معه خلال فترة مرضه: أتمنى أكون زيك

محمد أحمد | فى حياة المشاهير

أحمد ثروت ووالده محمد ثروت

الأحد , 19 مارس 2023 - 00:03

وجه المخرج أحمد ثروت رسالة شكر إلى والده المطرب محمد ثروت، بسبب دعمه له خلال فترة مرضه.

ونشر أحمد ثروت صورة تجمعه مع والده عبر صفحته بموقع التواصل الاجتماعي Facebook وعلق قائلا: "الصورة دي قبل ما أتنقل لمستشفى في ألمانيا ويتمنع عني الزيارات، خدتها عشان أقولك أنا تعبتك جامد وأتمنى في يوم ما أخلف إن شاء الله أكون أب زيك أو حتى شبهك في أي حاجة بتعملها من قلبك مع اللي حواليك".

وأضاف أحمد ثروت: "فعلًا العمر ما زادك إلا عظمة، بحبك وربنا يخليك ليا على التعب اللي تعبته معايا ويديك الصحة ونفضل في ظهر بعض كتف في كتف، وكلها فترة إن شاء الله وأجي اقف جنبك يا أستاذ".

أحمد ثروت

وكان المطرب تامر حسني نشر عبر موقع التواصل الاجتماعي "انستجرام" فيديو للمخرج والمطرب أحمد ثروت نجل الفنان محمد ثروت بعد إصابته بمرض مناعي نادر "ميلر فيشر" وسفره للعلاج بالخارج.

وكتب الفنان تامر حسني: "أحمد ثروت صديقي وابن الفنان الغالي اوي المطرب الكبير محمد ثروت بمنتهي الحب والرضا والإيمان تقبل محنه كبيرة من ربنا انه يصاب بمرض نادر يأثر على رجله وميمشيش، وكان بيحضر لزواجة، وفي كلامي معاه قولتله انا كنت بكلمك اهون عليك والحقيقة لاقيته مش محتاج وهو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بأيدك تحول المحنه لمنحه وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي.

محمد ثروت وأحمد ثروت

وتابع: وفضل يحكي طول المكالمة عن حب أسرته واهتمامهم بيه واخلاص خطيبته وقد ايه الموقف بين معدنها الأصيل وازاي بتسانذه وبتسهر على رحته طول الوقت، انا كمان بشكرهم وبشكرها جدا وبحييها على قلبها وتربيتها الأصيلة.

وأضاف: ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة الي انا شوفتها النهاردة وافرح معاك في فرحك قريب ان شاء الله، ادعوله معايا يا شباب ربنا يشفيه ويشفي كل مريض.