رضوى الشربيني عن سجدة عروس حسن شاكوش: مش لازم أعمل سحبة مايكل دي - فيديو

مي جودة | فى حياة المشاهير

رضوى الشربيني وزوجة حسن شاكوش

السبت , 11 مارس 2023 - 23:37 | اخر تحديث: السبت , 11 مارس 2023 - 23:38

علقت مقدمة البرامج رضوى الشربيني على واقعة سجود عروس الفنان حسن شاكوش، خلال حفل زفافهما أمس الجمعة، التي أثارت ضجة كبيرة على وسائل التواصل الاجتماعي، مؤكدة أن حرية التعبير مكفولة للجميع.

وقالت رضوى الشربيني في تعليق عبر برنامجها "هي وبس"، الذي يعرض عبر قناة "CBC سفرة" إن كثير من الناس طالبوها بالتعليق علي تلك الواقعة، هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس.

رضوى الشربيني

حفل زفاف حسن شاكوش

وأضافت: صحيح هي حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه".

رضوى الشربيني

حفل زفاف حسن شاكوش

وتابعت: تعليقي أنا علي الواقعة بعيد عن ريم طارق أنه إزاي أنا واحدة ست هانم انزل علي ركبي ومنها علي الأرض قدام الناس بفستان الفرح ميصحش، وأنا كأنثي بأقول لا، ومشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده.

زواج حسن شاكوش

وانتشر عبر مواقع التواصل الاجتماعي صورا وفيديوهات من حفل الزفاف، وظهرت العروس، ريم، وهي تغمرها السعادة بهذه الليلة، وسجدت فرحا في قاعة الأفراح.

View this post on Instagram

A post shared by Mohamed Zohny (@zohny_m)

اقرأ أيضا:

مغامرات "الحاج حناوي" تعود من جديد في الإعلان الأول لمسلسل "إكس لانس"

محمد رياض: عملت مدرس كيمياء والمدير رفدني بسبب "البنات"

مع فرقة "حسب الله" … محمد رمضان يحتفل بانتهاء تصوير "جعفر العمدة"

أكشن وكوميدي … تفاصيل 3 أفلام تعود بها ياسمين صبري إلى السينما بعد غياب 5 سنوات

لا يفوتك: تحليل النغمات مع عمك البات: تحليل أغنية "يا جمالك" في الاحتفال بالعيد العاشر لمسيرة الفنانة كارمن سليمان

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5