15 تصريحا من هاني رمزي في "حبر سري" عن إتجاهه للإنتاج وحبه لعمر كمال وفنان وحيد كان يعلم بمقلبه

محمد أحمد | فى حياة المشاهير

هاني رمزي

الجمعة , 3 فبراير 2023 - 14:35

حل الفنان هاني رمزي ضيفا على برنامج "حبر سري" أمس مع الإعلامية أسما إبراهيم على قناة "القاهرة والناس".

وكشف هاني رمزي رأيه في العديد من الأمور منها برامج المقالب ورده على تقليد رامز جلال ورأيه في منع في أغاني المهرجانات وتطورات التحضير لجزء ثاني من فيلم "غبي منه فيه" وهو ما سنرصده في الملخص التالي...

نرشح لك: هل يوجد خلاف بينها وبين ريهام حجاج في كواليس "جميلة"؟ عبير صبري تجيب

- بيومي فؤاد مش بديل لحسن حسني ولكن هو له شخصيته وأسلوبه في الكوميديا.

- مفيش فنان موجود حاليًا يقدر يحلّ مكان حسن حسني وهو سايب فراغ كبير جدًا.

هاني رمزي

- نيللي كريم قاعدة بتزن عليا نعمل فيلم "غبي منه فيه 2" ولما عملت الفيلم معايا كانت نجمة.

- مفيش جيل في السينما المصرية يعوض الجيل بتاعنا.

- الجمهور هو اللي بيقول اللقب على الفنان وأنا مش نوعية الفنانين اللي بيطلعوا على أنفسهم ألقاب، ولو أنا من جمهوري هقول الفنان هاني رمزي وأنا شايف الفنان أعلى من أي لقب.

- الناس محتاجة لكوميديا وكل اللي شغال دلوقتي تراجيدي وأكشن والناس في احتياج للضحك وأشد الحاجة للضحك، والنهاردة في الظروف الحالية بندور على حاجة ترفع الروح المعنوية للناس وده واجب وطني أنك ترفع من الروح المعنوية للناس.

- لو هنتج هجيب حمدي الميرغني وتوته وعلي ربيع وأوس أوس.

- عندنا ممنوعات كتير وهذه الممنوعات كتير مش قليلة والفنان بيبقى دايما عنده طاقة وخيال وإبداع أنه يحلق من غير تقييد.

- أنا مع عدم منع أغاني المهرجانات واللي مش عجبه ميتفرجش إنما حد يمنع فن وابداع أنا ضده، وخلي الكل يعمل اللي عايزه وأنت كجمهور نقي والمواطن هو اللي يختار.

- بسمع المهرجانات وأكتر مطرب بحبه عمر كمال.

هاني رمزي

- أنا مقلدتش رامز جلال ولو كل واحد عمل برنامج مقالب يبقى بيقلد رامز مش حقيقي، وبرنامجي نجح ولم أقدم برامج جديدة من هذه النوعية لأني مش لاقي فكرة كويسة.

- الدليل على نجاح برنامجي للمقالب هو تقديمه أكثر من موسم وعدم معرفة أي فنان بطبيعة برنامج المقالب الخاص به وأنا وقعت فريسة لرامز جلال مرتين ولا كنت اعرف طبيعة البرنامج.

- كنت متفق مع الفنان عزت أبو عوف على المقلب وقلت له هجيبك لمقلب عندي لإني كنت خايف عليه جدًا لأنه كان خارج من مرض وبيمر بظروف صحية صعبة.

- أنا قلبي ضعيف وكنت بقلق على أصدقائي خلال برنامج المقالب بتاعي، وفي حاجات متتقلش على الكاميرا، وفي ناس رفضت تعرض الحلقة زي وليد توفيق وديانا حداد ، وأنا مبحبش أزود على الضيف ولا اتجاوز معاه.