ياسمين عز: جوزك الدمياطي هيقول فيكي قصائد لو حمرتي شوية بطاطس أو سلقتي بيضتين

محمد سليم | فى سينما وتلفزيون

ياسمين عز

السبت , 28 يناير 2023 - 18:55 | اخر تحديث: السبت , 28 يناير 2023 - 18:55

تواصل الإعلامية ياسمين عز توجيه مجموعة من النصائح لمتابعات برنامجها "كلام الناس" عبر قناة MBC مصر، وبعد عدة حلقات تناولت فيها مزايا الزواج من الرجال أصحاب الوظائف مثل الصيدلي وموظفي البنوك، انتقلت للحديث عن مزايا الزواج من مناطق معينة في مصر.

وقالت ياسمين عز خلال تقديمها حلقة اليوم من البرنامج: "الست اللي تتجوز من دمياط ست محظوظة، عشان ربنا كرمها براجل حتة سكرة، وذهنه دايما حاضر وإفيهاته جاهزة، وقادر يخرج زوجته من أي مود وحش".

نرشح لك - يكشف عن مفاتنها.. لماذا عاتبت رانيا يوسف سلمى حايك على فستانها الأخير؟

ياسمين عز

وأضافت: "الدمياطي ملوش في اللف والدوران، ومستحيل يكذب أو يحور عليكي، ولو في يوم حس إنه غلطان في حقك معندوش أي حرج يعتذر ويطيب خاطرك".

ياسمين عز

أشارت ياسمين عز إلى ميزة ترى أنها لا تتوفر إلا في الزوج الدمياطي قائلة: "الراجل الدمياطي دايما يحسس مراته إنها ست خارقة ومهمة جدا، ودايما يفخم ويعظم فيها بمناسة وبدون مناسبة".

طالع أيضا - ماجد الكدواني يكشف حقيقة وجود جزء ثالث من "موضوع عائلي"

ياسمين عز

وتابعت: "مجرد ما تسلقي بيضتين أو تحمري شوية بطاطس لجوزك الدمياطي، هيقول فيكي قصائد شعر ولا كإنه بيفطر في أوتيل 5 نجوم، ولو إنت سايقة العربية وهو قاعد جنبك، في كل ملف أو مطب تلبسيه هيحسسك إنك شوماخر في نفسك من كتر إعجابه بسواقتك".

أما أهم ميزة ترى ياسمين عز أنها موجودة عند الزوج الدمياطي فتحدثت عنها قائلة: "أجمل وأهم ميزة إنه مخلص وعينه مش زايغة".

ياسمين عز

ولفتت ياسمين عز إلى شهرة الرجل الدمياطي بحب العمل قائلة: "يعتمد عليه ومعروف إنه كسيب، تلاقي معاه شهادة عليا ورغم كده ممكن يتعلم صنعة للزمن، وتلاقيه الصبح مهندس وبالليل استورجي، أو الصبح موظف بنك وبالليل أسطى نقاشة، إيده عمرها ما تبقى بطالة ومكفي طلبات بيته كلها".

واختتمت ياسمين عز كلامها عن الزوج الدمياطي قائلة: "بيعرف يقيم الناس كويس، لإنه طول وجوده في الورشة بيشوف ناس كتير، وده معناه إنك تقدري تاخدي رأيه في أي موضوع وإنت واثقة من صحة تقييمه".

اقرأ أيضا:

نجلاء بدر: معنديش خطوط حمراء وأرفض مصطلح السينما النظيفة (فيديو)

حسن شاكوش يرقص على أغانيه في حفل خطوبته - فيديو

مدحت صالح عن دور عبد الحليم في "السندريلا": هكذب على مين؟!

عصام صاصا ممثل لأول مرة وميس حمدان ملكة فرعونية.. كل ما تود معرفته عن فيلم "المكلكعين"

لا يفوتك: تحليل النغمات مع عمك البات: خمس أغاني جديدة لـ رامي صبري

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5