أحمد زعيم: أمي طلبت مني أبعد عن المزيكا قبل ما تموت والمعجبات سبب مشاكل بيني وبين زوجتي

نهال ناصر | فى حياة المشاهير

أحمد زعيم

الجمعة , 13 يناير 2023 - 22:31 | اخر تحديث: الجمعة , 13 يناير 2023 - 22:31

تحدث المطرب أحمد زعيم عن والدته الراحلة وقال عنها إنها أغلى شيء في حياته وعندما توفيت لم يكن لديه شيء يقدمه لها، لذا دائما ينشر صورها ويتذكرها في كل مرة يحقق نجاحا ويتمنى أن تكون بجانبه لتشعر بسعادته.

وكشف أحمد زعيم خلال لقائه في برنامج "كلام الناس" من تقديم ياسمين عز عبر قناة mbc مصر عن وصية والدته له قبل وفاتها وقال: طلبت مني طلب أنا عارف قالته ليه، طلبت مني أبعد عن المزيكا، لأن في الوقت دا أنا كنت بتعب لكن مفيش أي مقابل، مش فكرة حلال وحرام لكن عشان مستقبلي.

أحمد زعيم وياسمين عز

وتابع: في فترة حصلي تخبط أبعد عن المزيكا وأسمع كلامها ولا أعمل إيه، لكن أنا عارف نيتها كانت إيه هي كانت دايما بتشجعني وبفتكر لها دا.

وتطرق أحمد زعيم للحديث عن علاقته بزوجته وكشف أنها تنزعج أحيانا من المعجبات.

وقال: هي أكيد بتزعل بس لما بتلاقي تعليق معين بتسأل دا إيه، بحاول أفهمها وهي طيبة، بتحصل مشاكل لكن في الأول والآخر بتتفهم.

نرشح لك: سمية الخشاب: ولعت في حاجتي من Balenciaga مش مشكلة كام ميت ألف المهم البشرية

وحكى أنه حدثت خلافات كثيرة بينه وبين زوجته بسبب المعجبات، قائلا: أنا شايف أني لسه في بداية حياتي ومتوقع أن بعد كده هيبقى في معجبات أكتر، ولازم تستعد وتتفهم لأن لو نفسيتها بقت وحشه هتأثر عليا وهتخليني أهرب من البيت.

ياسمين عز وجهت رسالة لزوجة أحمد زعيم

ووجهت ياسمين عز رسالة إلى زوجة أحمد زعيم وقالت: أنتوا عشرة سنين لكن هو نجم ولازم نتحمل والله يعين الست اللي بتكون متجوزة نجم، هي طول الوقت عندها قلق أن حد ياخده منها، لكن طول ما هو ساب الدنيا كلها واختارك فأطمني.

يذكر أن أحمد زعيم طرح في بداية عام 2023 أغنية "يا عراف" جمعته مع الفنان أحمد سعد والفنان التونسي نوردو.

أغنية "يا عراف" كلمات محمد الفقى وألحان أحمد زعيم وتوزيع موسيقى توما.

وتم التصوير بطريقة الفيديو كليب تحت إدارة المخرج ياسين حسن، ومن توزيع شركة "ديجيتال ساوند".

نوردو وأحمد سعد وزعيم وستر أغنية يا عراف

وتقول كلمات أغنية "يا عراف":
يا طبيب داويني .. احتار الطب فيا حبيبي يغيب عن عيني
الدنيا تلف بيا يا خاله ارقيني .. بدأت اشوف خيالات صورته ما فارقت عيني
بشوفه ف كل الأوقات .. غيابه عليا طال
وحالى حال نفسي اعرف فين اراضيه لو داري بحالي واللى جرالى ما كان سابني اسهر لياليه
بغينا و ما رضينا و لا ما نساتني فيك الايام و الروح لسكنت فينا عايشا فينا
عشنا في اراضينا مشيت و خليتني في البارح عدينا و كان العالي العالم بينا
يا دنيا ودينا لفي ورسي بينا بهواك تبلينا و بقلوبنا حبينا