15 تصريحا من أحمد آدم.. سر علاقته بفنانة شهيرة و"ديكتاتورية" محمد صبحي و"كيميا" ماجد الكدواني

محمد أحمد | فى حياة المشاهير

أحمد آدم

الجمعة , 6 يناير 2023 - 12:01

حل الفنان أحمد آدم ضيفا على الإعلامية أسما إبراهيم، في برنامج "حبر سري" عبر قناة "القاهرة والناس".

وكشف أحمد آدم رأيه في أغاني الراب والعمل مع محمد صبحي وعادل إمام وكواليس أخرى نرصدها في المخلص التالي..

نرشح لك: الجمهور يلتف حول ياسمين عبد العزيز في كواليس تصوير "ضرب نار" (فيديو)

- ويجز حقق طفرة في مجال الغناء وقدم نوع جديد من الغناء وهو ليس راب ولكن اسمه تراب.

أحمد آدم

- أغاني الرب مش بفهمها وطول الوقت حاسس أن في حد هيهجم عليا".

- في تمرد في كلمات أغاني الراب وده اللي خلى في مغنين زي ويجز ومروان بابلو وهذه النوعية من المغنين الشباب".

- فيلم "200 جنيه" حقق إيرادات ولكن هذه الأفلام لها حسابات معينة.

- أشعر عند مشاركتي في أى عمل مع ماجد الكدواني أنه سيحقق نجاحا كبيرا.

أحمد آدم

- حاسس أني ممكن لو عملت شغل مع ماجد الكدواني هنكسر الدنيا وهو من نوعيات الكوميديانات لا يدعي الكوميديا وبتطلع منه تلقائية وبيضحك من خلال الشخصية.

- ماجد الكدواني عمل معي دور في مسلسل القرموطي وشارك في فيلم الرجل الأبيض المتوسط فهو إنسان لطيف ودمه خفيف وفي كيما بينا حلوة ومشاهدنا مع بعض دمها خفيف.

- هناك توافق بيني وبين النجوم محمد هنيدي وأحمد رزق وصلاح عبد الله وأنا وهنيدي لما بنشتغل مع بعض بيكون في كيميا عليا بينا واشتغلنا مع بعض افلام ومسلسلات.

أسما إبراهيم وأحمد آدم

- تجربة أشرف عبد الباقي في مسرح مصر جيدة ولكن ما يقدمه كان اسكتشات وليس مسرح ثم عدل النظام وتحولت إلى مسرح بها ولها بداية وقصة ونهاية.

- أشرف عبد الباقي نجح في إخراج شباب جديد وأصبحوا نجوم والمهم الاستمرارية.

- الشغل مع عادل إمام حاجة تانية وهو كان بيحبني قوي ولما عرفته على المستوى الانساني حبني أكثر وأنا من جمهوره.

- عادل إمام مع أصحابه بيشيل كل الحواجز وبيبقى في تواضع وبيطلب رفع الألقاب، وهو بيفيد كل اللي معاه وبيشوف الدائرة اللي حوله وهو محترف وفنان وانسان.

- محمد صبحي مؤمن بديكتاتورية التنفيذ وديمقراطية الحوار، وهو من أعظم مخرجين الوطن العربي وعمل مسرحيات تفضل شغالة لـ30 و40 سنة وأفكارها عالمية يتفرج عليها أي حد.

- محمد صبحي بيبقى في دماغه تركيبة وشكل الضحك والموضوع وبيبقى لهم تركيبة صعب تخش تبوظها، وهي مش ديكتاتورية على قد ما هي أن الممثل جزء من الصورة مش الصورة كلها.

- كنت في علاقة مع فنانة اشتغلت معاها مسرح، ومكنش من طرف واحد، الست لما بتحب راجل بتعرف تجيبه ومكنش فيه حكاية جواز ومش كل حب لازم يحصل فيه جواز، والجواز بيموت الحب.