نيللي: أرشح دنيا سمير غانم لتقديم الفوازير

FilFan | فى سينما وتلفزيون

نيللي

الثلاثاء , 3 يناير 2023 - 17:35 | اخر تحديث: الثلاثاء , 3 يناير 2023 - 17:35

رشحت الفنانة نيللي الفنانة دنيا سمير غانم لتقديم لتكون خليفتها في تقديم الفوازير.

وخلال مداخلة هاتفية بالبرنامج عبر قناة cbc، قالت نيللي: أنا بحب الجديد دايما، لأنه حاجة بتدي أمل في الحياة، وبحب دنيا سمير غانم جدا، وهى تقدر تقدم الفوازير لأنها موهوبة.

نيللي اختارت دنيا سمير غانم لتكون خليفتها

وعبرت الفنانة نيللي عن سعادتها بعد الاحتفال بعيد ميلادها، خلال حلقة اليوم التي قدمتها الإعلاميتان منى عبد الغني وإيمان عز الدين وقالت لهما: أنا بأشكركم جدا وبحبكم قوى على أنكم افتكرتوني، أنا بشوفكم كل يوم.

تحتفل نيللي بعيد ميلادها اليوم 3 يناير

وكشفت نيللي عن أكثر عمل له مكانه كبيرة من أعمالها التى قدمتها خلال مسيرتها، مضيفة:" أنا دايما فاكرة فيلم (العذاب امرأة) لأني أنا وقتها اللي صممت أختار الدور اللى قدمته، وقتها كان في دورين وقررت أختار دور السيدة الشريرة ورفضت تقديم الدور اللى له مساحة أكبر وعملت شخصية الست اللى مش طيبة".

آخر ظهور لنيللي كان بعد تكريمها في مهرجان القاهرة السينمائي 2021

ووجهت الفنانة القديرة نيللى، نصيحة هامة لكل السيدات، قائلة: "بقول لكل الستات لازم نسامح، التسامح بيحقق رضا النفس، والرضا هيخلق السعادة، واننا منبصش للحاجات الوحشة ونبص للحاجات الحلوة عشان نكون سعداء فى حياتنا"، مؤكدة أن الحب يجعل المرأة "منورة" ويؤثر على حياتها بشكل إيجابي.

وبسؤالها عن الدور الذي كانت تحلم بتقديمه، أجابت نيللي: "يا بخت من زار وخفف، والله أنا عملت كل حاجة واستمتعت كثيرا بأدواري اللي قدمتها، أنا بحب الشخصية الفرعونية وكنت أحب أقدمها عشان رقبتي طويلة زي رقبتها، وأنا بحب نفرتيتيي وحاطه صورتها عندي".