أحمد شيبة وعمرو كمال يطرحان دويتو "هجوم فجائي" بمناسبة رأس السنة

محمد أحمد | فى موسيقى وحفلات

أحمد شيبة وعمرو كمال

السبت , 31 ديسمبر 2022 - 22:11

طرح كلا من المطرب الشعبي أحمد شيبة ومطرب المهرجانات عمر كمال، كليب أغنيتهما الجديدة "هجوم فجائي" بمناسبة رأس السنة.

"هجوم فجائي" من كلمات وألحان عمر قطب، توزيع إسلام شبسي، وإخراج أشرف رمضان.

نرشح لك - بـ"الحلق اللي عامل قلق" ... ياسمين عبد العزيز تهنئ متابعيها بالعام الجديد

وتقول كلمات الأغنية:
طول ما رب الكون ف عونى .. هعيش وأموت ثابت وتد 💪🏻
لا هتعرفوا يوم تكسروني .. ولا هتشفوني فى يوم هدد
بتكعبلوني وتوقعوني .. وفى كل مرة بقوم أسد

أحذروا من هدوئى .. وصمتي وأختفائي
أنا زي الديب بنام .. جهزلي هجوم فجائي
اسيب الكل يلعب .. أفضي ليكوا الملغب
وأول ما أنول ألعب .. بلعم على أعدائي

بغيب بغيب وبرجع .. بسهم يصيب ويوجع
وبضربة وحدة أوقع .. اللى عشوها فى غيابي
بتفرج واقعد أسمع .. وأسيب الكل يطمع
ومن عريري بطلع .. وأكشر عن نيابي

أنا أسوق وكله يخدها جري .. أنا فعل وانتوا كلامو هري
لو فاكرين ان لحمي ني .. طب سدوا معايا ف اللى جاااي
أنا أسوق وكله يخدها جري .. أنا فعل وانتوا كلامو هري
لو فاكرين ان لحمي ني .. طب سدوا معايا ف اللى جاااي

سايبكو تعملوا ما بدلكو .. عشان مبحبش أتكلم
لكن فى الفعل هبهركو .. وأثبتلكم أن معلم
هشوف في غيابي من قدر .. ومين كان جنبي وأتبخر
ولما أرجع واخود وضعي .. اخود حسابي اللى أتأخر

ببعد شوية واغيب حبه .. وبمعلمة برد الضربة
مهما بطول غيبتي .. برجع بقضية ومرزبه
بنام .. بنام وأفوق .. وأرجع.. أجمد وأروق
أعلم ع اللى صدق .. اللى مخوخ وفاضي
محبش دايما أبدء .. اسيب الكل يسبق
أول ما أبدء أقلق .. مبشوفش مين قصادي

بنام .. بنام وأفوق .. وأرجع.. أجمد وأروق
أعلم ع اللى صدق .. اللى مخوخ وفاضي
محبش دايما أبدء .. اسيب الكل يسبق
وأول ما أبدء أقلق .. مبشوفش مين قصادي