خاص المخرجة كوثر يونس عن قبلة فيلم "صاحبتي": معتقدش في حد في القاعة مباسش قبل كدة .. دة تعبير عن الحب

أحمد حتحوت | فى سينما وتلفزيون

مارك حجار، كوثر يونس، إلهام صفي الدين في مهرجان القاهرة السينمائي

الثلاثاء , 20 ديسمبر 2022 - 21:07 | اخر تحديث: الأربعاء , 21 ديسمبر 2022 - 13:13

عرض الفيلم المصري "صاحبتي" في مهرجان القاهرة للفيلم القصير ليلة أمس في حضور المخرجة كوثر يونس وبطل الفيلم مارك حجار، وأجابا على أسئلة المشاهدين في ندوة بعد العرض.

فيلم "صاحبتي" كان أول فيلم مصري قصير يشارك بمهرجان فينيسيا السينمائي، وقد فاز بمهرجان القاهرة السينمائي بجائزة لجنة التحكيم في مسابقة الأفلام القصيرة، ويتنافس حاليًا في المسابقة الرسمية في مهرجان القاهرة للفيلم القصير.

كوثر يونس

وفي السطور التالية نرصد لكم أبرز تصريحات المخرجة كوثر يونس:

- أنا متفهمة لو الإنتاج والرقابة أجبروني أشيل مشهد من فيلم تجاري لكن لما أعمل فيلم مستقل وأحط على نفسي قيود يبقى معملوش أحسن

- أنا معملتش مشهد جنسي، أنا بس عملت بوسة ودة تعبير عن الحب. معتقدش في القاعة مباسش قبل كدة

كوثر يونس

-لو البوسة بتخدش حياء الناس، أنا أسفة إن الحياء اتخدش، لكن مش المفروض تتفرجوا على أفلام مستقلة. اتفرجوا على الأفلام اللي في السينما التجارية.

- الناس معندهاش مانع تشوف مشهد خناقة لمدة 3 دقايق، لكن لو مشهد بوسة بيبقى عندهم مشكلة ودي مصيبة سودة

كوثر يونس ومارك حجار وساندرو كنعان في القاهرة السينمائي

- حلاوة الأفلام إن كل مشاهد بيبقى عنده وجهة نظر مختلفة بعد الفرجة ودة بيخلق نقاش ويحرض على التفكير، ودي وظيفة الفن.

- قلت للوكا إن مش معايا فلوس وعايزة أستخدم الأغنية دي ولو هي متسجلة مش هعرف أستخدمها، ووافقت.

- المنتج ساندرو كنعان مكافح وراح لبيت سميرة سعيد وطلب استخدام أغنيتها في الفيلم واحنا مش معانا فلوس. سميرة سعيد قالت إنه مش في إيديها وتواصلت مع الموزعين، وقالوا لو الفيلم تجاري لازم يدفعوا، لكن طول ما هي عروض مستقلة، تقدروا تستخدموها. لو جينا نرفع الفيلم على منصة، لازم ندفعلهم قبل ما نبيع للمنصة.

- أمير عيد من أكثر الناس المشجعين ليا ووافق على استخدامي لأغنية "مربوط بأستك"

دور قصة فيلم "صاحبتي" حول علي الذي ينصاع لاقتراح حبيبته ويضع علاقتهما أمام اختبار توقا للحميمية، وتخرج الأمور عن المتوقع عندما تصاب أدوار الجنسين بحالة من التشويش، ويشارك في بطولة الفيلم مارك حجار.

و"صاحبتى" ينتمى لنوعية أفلام الدراما الرومانسية ومدته 17 دقيقة واشتركت كوثر فى كتابة السيناريو الخاص به مع أحمد عصام السيد، ويقوم ببطولته إلهام صفى الدين، ومارك حجار وفاضل الجارحي وسونيا فريد، وإنتاج ساندرو كنعان ومدير التصوير سيف الدين خالد وقام بالمونتاج المخرج المعروف خالد مرعي، وهو إنتاج وتمويل كوثر يونس.