ياسمين عز: الرجالة بتاكل اللي يقرب مني وافتحوا المعجم عشان تفهموا كلامي

محمد سلطان محمود | فى سينما وتلفزيون

ياسمين عز

الخميس , 15 ديسمبر 2022 - 23:19

أكدت المذيعة ياسمين عز أن أكبر الداعمين لها هم الرجال، الذين يدخلوا في نقاشات عبر مواقع التواصل الاجتماعي للدفاع عنها أمام الانتقادات التي تتعرض لها باستمرار.

وأوضحت "عز" في حلقة اليوم من برنامج "كلام الناس" عبر قناة MBC مصر، أنها تتابع كيف يدافع عنها معجبيها على مواقع التواصل الاجتماعي.

وأضافت: "بدخل أشوف مين بيدافع عني، ولا مين بياكل بسنونه اللي يقرب مني، أبقوا شوفوا سنونه في المعجم، تلاقيه دكتور، رئيس قسم، دكتور في جامعة، باحث وخبير، بتاع السوبر ماركت، كابتن الجيم، اللي بيدرس، كله، من أصغر حد لأكبر حد".

نرشح لك- زهرة وأزواجها الـ12.. تفاصيل زيجات غادة عبد الرازق بعد انفصالها عن هيثم زنيتا

وتابعت ياسمين عز: "شفتي الرجل المصري؟ ده جوزك وأخوكي وأبوكي اللي بيدافع عني، وأنا واحدة ميعرفهاش ولا تربطه بها صلة دم ولا قرابة ولا شافها إلا من خلال شاشة التليفزيون، تخيلي النخوة والشهامة، ده الرجل المصري، جوزك".

وأكدت: "الرجل يتشال على الرموش والأهداب، فوق العيون وجوا العيون، نفتح المعجم الوسيط ونشوف لغتنا العربية، عشان لما نقول أهداب يقولوا إيه الكلام ده، فالمعجم معانا طول الوقت عشان أنا عايزة قاموس خاص".

وأشادت ياسمين عز بالرجال الذين دافعوا عنها بعد شائعة وقف برنامجها، موجهة حديثها للنساء وقالت: "جوزك دافع عن الغريبة بكل ما أوتي من قوة من مجرد إشاعة هدامة، ما بالك بأنتي مراته، لو حد قرب لك ياكله كده بسنونه، يقرقشه، إفرحي بجوزك الرجل المصري العظيم، أفرحوا برجالتكم، إسعدوا رجالتكم، رجالتكم عملة نادرة في الزمن".

وواصلت عز مدح الرجل المصري قائلة: "رجالتكم عملة نادرة في الزمن ده، الرجل المصري والنخوة والاحترام والتقدير اللي عنده والله ما يتقدرش بكنوز، يا مدام إنتي معاكي حتة آثار نادرة معاكي، رجلك المصري قطعة نادرة فريدة، حافظي عليها زي الآثار، محدش يلمسه ويقرب له، يا بختنا كمصريات برجالتنا، نشيلك يا مصري على أهداب العين مش بس رموشنا".

والجدير بالذكر أن المعجم الوسيط يعرف أهداب العين بـ " شعر رموش العين" مما يجعلها مرادفة لكلمة رموش التي ذكرتها ياسمين عز، أما كلمة "السنون" فهي الأسنان.