11 نصيحة من ياسمين عز للزوجة خلال المونديال...الفشار والحاجة الساقعة والـ"ريموت" أبرزها

محمد سليم | فى سينما وتلفزيون

ياسمين عز

السبت , 19 نوفمبر 2022 - 19:11 | اخر تحديث: السبت , 19 نوفمبر 2022 - 19:11

نبهت الإعلامية ياسمين عز متابعات برنامجها "كلام الناس" المذاع عبر قناة MBC مصر، إلى أهمية الانتباه للحالة النفسية الخاصة بالزوج أو الخطيب خلال فترة مباريات كأس العالم لكرة القدم، التي تنطلق خلال ساعات.

وقالت ياسمين عز خلال تقديمها حلقة اليوم من البرنامج إن كرة القدم ستكون ضرة الزوجة أو الخطيبة خلال شهر كأس العالم، مضيفة "الست الواعية هي اللي تعرف تتعامل مع ضرتها وتخرج من الشهر ده بأقل الخسائر وأكثر المكاسب".

نرشح لك - أمير رمسيس معتذرا: لم أعلق على "فعل" الصلاة وقصدت ما رأيته مزايدة على الفن

ياسمين عز

وقدمت ياسمين عز للزوجات عددا من النصائح المفيدة خلال كأس العالم نستعرضها في السطور التالية:

- تخيلي إنك مسافرة ومشوفتيش أمك من 4 سنين، لهفتك على أمك هي نفس لهفة جوزك وهو منتظر ماتشات كأس العالم

طالع أيضا - عمركم ما هتفلحوا … حكاية غضب يوسف وهبي من أبطال "إشاعة حب" بسبب مشهد "بابا أنت يا حبيبي"

- متحاوليش تقللي من شغفه، وكل شوية تقولي مالك ملهوف على الماتشات وسايبني، لإن وقتها هتسمعي رد مش هيعجبك

ياسمين عز

- حالة النظافة المفاجئة وتلميع الشاشة وتنظيف النجف وتشغيل المكنسة ملهاش لازمة وقت الماتشات

- مع بداية الماتشات كل يوم الساعة 12 الظهر، جوزك يلاقي الفشار والحاجة الساقعة والريموت وكل حاجة متظبطة، أثر ده على نفسيته هينعكس عليكي بعد كده

ياسمين عز

- من فوائد شهر كأس العالم إنه بيعرفك قيمة جوزك، وإنت واقفة عند الكاشير في السوبر ماركت متنسيش تدعي لجوزك اللي سايبلك الفيزا، وعمره ما حسسك بغلاء الأسعار

- طول شهر كأس العالم بلاش الأسئلة اللي بتجيب تصلب شرايين للرجالة، وخاصة أعملك إيه على الغدا

ياسمين عز

- حتى لو مش بتحبي الكورة، حسسيه إنك بتشاركيه اهتماماته، أسأليه بتشجع منتخب إيه، وإتفرجي معاه وشجعي من غير مبالغة

- المخرجين في كأس العالم بيركزوا على البنات الحلوة في المدرجات، لو جوزك بص للشاشة وابتسم ده معناه إنه مبسوط بالحدث ككل، مش إنه معجب بالست اللي في المدرج

- لو قلت لجوزك اقفل عينك لم الكاميرا تيجي على بنت حلوة هيقفل منك

- الراجل قلبه واجعه على غياب منتخبنا عن كأس العالم، متبقيش إنت والزمن ومنتخب السنغال عليه

- آخر 5 دقايق من الماتش خليكي ناصحة، في الوقت ده أطلبي من جوزك أي حاجة، هو غالبا مش سامعك، ولو طلبت عينيه هيديهالك عشان يخلص

اقرأ أيضا:

تردد قناة beIN SPORTS المفتوحة الناقلة لـ22 مباراة من كأس العالم

مايان السيد: هنا الزاهد ملهمتي في الكوميديا

أمير المصري: مايان السيد سمتني "أمير الأمور" .. وعلاقتي بها وطيدة

ابنة هند رستم: علاقتها بزوجها كانت شبه "أمينة وسي السيد"

لا يفوتك: أغنية عمرو مصطفى الجديدة "سيبوه" ... في ميزان "عمك البات"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5