كريم فهمي يرد على انفراد FilFan.com: كتبت "هاتولي راجل" من ٢٠٠٨... احنا مش في خناقه

FilFan | فى سينما وتلفزيون

كريم فهمي والمخرجة الفرنسية

الأحد , 13 نوفمبر 2022 - 00:14 | اخر تحديث: الأحد , 13 نوفمبر 2022 - 00:18

علق النجم كريم فهمي على تصريحات المخرجة الفرنسية إلينور بوريا الخاصة لموقع FilFan.com حول اقتباسها لقصة فيلمها I am Not a Easy Man، من فيلمه "هاتولي راجل".

أعاد فهمي نشر التصريحات من موقع FilFan.com، وعلق كاتبا عبر حسابه بموقع Facebook: "من كام يوم نزلت بوست ان الاجانب ممكن يقتبسوا مننا واستشهدت بفلمين ليا وهما (هاتولي راجل) و(علي بابا) قام ايه بقي، أحد الصحفيين المحترمين (مش بتريق) وصل للمخرجه الفرنسيه فا ايه هي ردت، وقالت إنها ماشافتش الفيلم بتاعي وإن كان عندها فيلم قصير من ٢٠٠٩ يعني قبل (هاتولي راجل)، وده ممكن مش بكدبها ونفس الوقت أكيد انا مش هقعد أقول وأنا كنت شفت فيلمك فين أو أنا اصلا كاتب (هاتولي راجل) من ٢٠٠٨".

مخرجة فرنسية ترد على اتهام كريم فهمي لها بتقليد "هاتولي راجل": لا أعرف هذا الفيلم
وتابع: عشان انا بحترم كل الناس ومش هخش في مهاترات، وليها بجد كل الاحترام واحنا مش في خناقه أنا وهي، مش ديه مشكلتي خالص، الفكرة بقي بما لما نزل الخبر كمية تشكيك وغلط فيا علي الفيس بوكً من بعض الناس، وتحسهم أنهم من فرنسا، وفرحانين أوي ان الست اخدت حق بلدهم.

وأضاف: أنا مش عارف والله الناس بقت عامله كده ليه، وليه بقينا نعمل في بعض كده، ونفسنا نقلل من بعض، وعموما برضوا (هاتولي راجل) نازل الأول بخمس سنين، خمس سنين يا مصريين يا بتوع فرنسا.

كان كريم فهمي قد نشر ملصق الفيلم الفرنسي I Am Not An Easy Man، وكتب: "بعد نزول فيلم هاتولي راجل، نزل فيلم فرنساوي بعده بكام سنة نفس الفكرة .. نفسي الناس اللي بتتهم المصريين بالسرقة يدونا حقنا ويفهموا انهم بيقتبسوا مننا كمان وكتير".

وعندما تواصل FilFan.com مع مخرجة الفيلم الفرنسي بخصوص منشور كريم فهمي، ردت: "لا أعرف هذا الفيلم المصري. لقد أخرجت فيلمًا قصيرًا عام 2009 يدعى Oppressed Majority، وحقق نجاح كبير عندما نشرته عبر يوتيوب، وطلبت مني منصة نتفليكس إخراج نسخة روائية طويلة. كان فيلمي القصير هو مصدر الإلهام الأساسي لـ I Am Not An Easy Man".

كريم فهمي هاتولي راجل i am not an easy man

وأضافت إليونور: "ربما كريم فهمي شاهد الفيلم القصير واستوحى منه".

حصل فيلم Oppressed Majority /"الأغلبية المضطهدة" على جائزة في مهرجان كييف السينمائي الدولي عام 2010، وحصد على شهرة عالمية حين نشرته إليونور على يوتيوب عام 2014، ويدور حول رجل يواجه صعوبات في مجتمع أنثوي ويتعرض للاعتداء الجنسي على يد مجموعة من النساء.

كريم فهمي هاتولي راجل i am not an easy man

والنسخة الروائية الطويلة، I Am Not An Easy Man، تدور حول رجل متحيز ضد المرأة يستيقظ بعد حادث ليجد نفسه في عالم تملك فيه المرأة السيطرة، ويبدأ هو في التعرض للتفرقة والمطالبة للعدالة حتى يقع في حب كاتبية متحيزة ضد الرجال.

كريم فهمي هاتولي راجل i am not an easy man

يناقش فيلم "هاتولي راجل"، من تأليف كريم فهمي وإخراج محمد شاكر خضير، فكرة مشابهة، فعلى طريقة "ماذا لو؟"، نشاهد 3 رجال يعانون من مشاكل مختلفة في علاقتهم مع النساء، أحدهم تمنعه زوجته من العمل وترفض الطلاق حين تخونه مع رجل آخر، والثاني يبيع جسده، والثالث تتركه امرأة بعد أن تنام معه.