أحمد زاهر: التمثيل أصعب مهنة في التاريخ ومفيش مهندس أو دكتور يقدر يشتغل نفس عدد الساعات

نهال ناصر | فى سينما وتلفزيون

أحمد زاهر

الجمعة , 4 نوفمبر 2022 - 14:46 | اخر تحديث: الجمعة , 4 نوفمبر 2022 - 20:57

تحدث الفنان أحمد زاهر عن صعوبات مهنة التمثيل مؤكدا أنها أخطر مهنة ممكن أن يمتهنها إنسان.

وقال أحمد زاهر خلال لقائه في برنامج "الحقيقة أولا" من تقديم فاتن زين الدين عبر قناة "الحرة": أحنا أخطر شغلانة ممكن تدمر أي بني آدم وفاكرين الموضوع سهل.

وتابع: الجمهور عنده سوء فهم وفاكرين أن الموضوع سهل إيه يعني يحفظوا كلمتين ويقولهم قدام الكاميرا، أحنا بندمر نفسيتنا كل ممثل بيدمر نفسيته، لأن المشاعر ممكن تخلي الواحد يموت، ممكن نموت من الزعل وأحنا بنعيش نفسنا في الزعل وبنصور 13 أو 14 ساعة في اليوم، مشهد ممكن تبقى شرير ومشهد تبقى بتضحك الجهاز العصبي بيدمر والناس فاكرة أننا بنهزر، أحنا بنلعب على مشاعرنا.

نرشح لك: سامو زين يتعرض لهجوم بعد ظهوره بملابس غريبة داخل اتيليه فساتين للسيدات

أحمد زاهر غاب عن جمهوره في رمضان 2022

وأكمل: بنصور 26 ساعة أحيانا الناس فاكرة أننا بنصور 6 ساعات وبنقعد بعد كده على البسين، أنا فاكر صورت في مسلسل "كلام على ورق" 36 ساعة واقف على رجلي هاتوا مهندس أو دكتور أو محامي أو قاضي يقدر يشتغل 36 ساعة واقف على رجليه مش هيقدر أنا أسف، اللي بيستسهل مهنة الفنان هي أصعب مهنة في التاريخ.

أحمد زاهر قدم أول بطولة سينمائية في فيلم "فارس"

وعن دخول ابنتيه ملك وليلى مجال التمثيل قال: طول عمري مكنتش عاوزهم يخشوا الوسط، ولولا إصرار تامر حسني أنهم يمثلوا معاه مكنتش وافقت، مش عشان المهنة وحشة لكن عشان صعبة بالذات على الستات.

ملك أحمد زاهر

يذكر أن آخر أعمال أحمد زاهر كان فيلم "فارس" أول بطولة سينمائية له.

بوستر فيلم فارس

فيلم "فارس" بطولة أحمد زاهر، حسين فهمي، إيمان العاصى، نهال عنبر، أحمد صفوت، ملك أحمد زاهر، وعابد عنان، واللبنانية باميلا الكيك، وضيف الشرف صلاح عبدالله، وتدور أحداث الفيلم في إطار أكشن تشويقى، تأليف حسام موسى، وإخراج رؤوف عبد العزيز.

وتلفزيونيا كان مسلسل "سوشيال" الذي عرض قبل موسم رمضان 2022، وشارك في بطولته وميرنا نور الدين، وتامر فرج، وجيهان خليل، وعابد عنانى، و إسلام حافظ، فرح الزاهد، ومطرب الراب شاهين تأليف محمد جلال، ومن إخراج رؤوف عبد العزيز.

اقرأ أيضا:

محمد صبحي: أحضر لفيلم سينمائي ومسلسل كوميدي في 2023

مي عمر ترفض التعليق على تصريحات محمد سامي عن ملابسها

تامر أمين: قرصت على شيرين عبد الوهاب زيادة بس مظلمتهاش ... ورفضت منصب مهم في الأمم المتحدة

أصالة تحتضن فتاة على المسرح في موقف مؤثر: لو ما كنت بغني كنت أنجبت 15 ولد!

لا يفوتك: حلقة خاصة من شرطة الموضة عن أزياء محمد حماقي في عيد ميلاده

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5