أمل رزق: محدش يحسدني ... وكنت مرعوبة من بناتي قبل جوازي التاني

محمد سلطان محمود | فى سينما وتلفزيون

أمل رزق

الجمعة , 4 نوفمبر 2022 - 00:11

كشفت الفنانة أمل رزق أنها كانت تشعر بالرعب من مفاتحة بناتها في الزواج مجددا عقب وفاة والدهن المنتج الراحل إسماعيل كتكت.

وتحدثت أمل رزق مع ياسمين عز في برنامج "كلام الناس" عبر قناة mbc مصر، عن كواليس قرارها بالزواج بعد مرور عامين على وفاة زوجها.

وأوضحت: "بناتي كانوا متدلعين جدا لأن إسماعيل خلفهم وهو كبير، فكانوا بالنسبة له ملكات، ومينفعش تيجي تكلميهم في حاجة من دي، أنا كنت مرعوبة منهم".

نرشح لك- #شرطة_الموضة: جويل ماردينيان ترتدي نفس فستان أنغام القصير.. سعره تجاوز الـ70 ألف جنيه

وتابعت أمل رزق أن مصارحة بناتها بقرار الزواج كان صعبا: "كنت واحدة ومتعودة إني في ضل رجل ودلوقتي بقى معايا 3 وكلنا بنات، فمينفعش تبقى لوحدك في الحياة، لقيت الحياة صعبة ورخمة جدا وفي أشخاص غريبة جدا".

وتطرقت إلى قرار الزواج قائلة إنها لم تسعى له لكنه حدث بشكل قدري، موضحة: "أنا لم أسعى ولا هو اختيار، ده القدر، حد ربنا باعتهولك كل حاجة فيه كويسة، إنسان كويس، مركز محترم، عيلة محترمة، بيحب بناتي جدا، في شغله طوب الأرض بيحبه واسم رنان، ربنا عايز يكرمني".

وأضافت أمل رزق: "محدش يحسدني، لأن كل واحد مقفول عليه بابه، ودي كلها أقدر من ربنا، أنا ماتولدتش عارفة أنا هعمل إيه، ربنا كرمني بإسماعيل الله وطلع رجل محترم وكل الناس بتحبه، ربنا كرمني وبعت لي زوج تاني مايتخيرش عنه بالعكس، وأهله حبايبي وكلهم محترمين رجالة وستات، عيلة بجد، وأنا كنت محتاجة نتلم في عيلة كمان".

وأكدت أنها بذلت مجهود كبير لإقناع بناتها بفكرة زواجها قائلة: "خبيت حاجات، لحد ما ابتديت اتعرف على العيلة، وهم حبوه لوحدهم".

يذكر أن أخر أعمال أمل رزق كان مسرحية "زقاق المدق" عام 2021 من إخراج عادل عبده، معالجة درامية محمد الصواف، وبطولة دنيا عبد العزيز، ضياء الميرغني، محسن محي الدين، نهال عنبر، بهاء ثروت، مجدي فكري وكريم الحسيني.