نضال الأحمدية: حسام حبيب كان بيتلزق في شيرين من 2007 وبعد ما اتجوزها عايرها إنها متعرفش إنجليزي

مروة لبيب | فى حياة المشاهير

شيرين عبد الوهاب وحسام حبيب

الأربعاء , 26 أكتوبر 2022 - 07:23 | اخر تحديث: الأربعاء , 26 أكتوبر 2022 - 22:10

كشفت الإعلامية اللبنانية نضال الأحمدية حقيقة تصريحات الفنان حسام حبيب حول شقيق زوجته السابقة الفنانة شيرين عبد الوهاب واتهامه بسرقتها ومحاولة الاستيلاء على أموالها.

وفي مقطع فيديو نشرته الإعلامية اللبنانية عبر صفحتها على YouTube، أكدت نضال الأحمدية أن شقيق الفنانة شيرين عبد الوهاب لم يسرقها، بناء على معلومات جمعتها من عدة مصادر وقالت "شيرين كانت عملت لمحمد توكيل عام شامل، يعني يقدر يبيع كل حاجة، لما شككوا فيه، جه لحد عندها وقطعه، شيرين بكره هتأكد لكم هذا الكلام، حتى أعداء محمد بالمهنة، واللي اختلفوا معه، بيحلفوا إنه ما سرقها في جنيه واحد".

شيرين عبد الوهاب

وأضافت: "أنا عرفت أجمع معلومات من مليون مصدر، وعملت مقارنة، لإن ممكن شيرين مقالتليش، كل الناس أكدوا إنه عمره ما سرقها، في ناس قالوا حرام، أمانة عمرها ما سرقها، هذا أخوها اللي قال عنه طليقها إنه عايز يسرقها ويحجر عليها، وبيحكي إنه عايز يحميها منه".

نرشح لك - مخرج مسلسل "مجنونة بيك": تعمدت اختيار أمير المصري وآدم الشرقاوي بسبب لكنتهما الأجنبية

من ناحية أخرى اتهمت نضال الأحمدية حسام حبيب بمحاولة السيطرة على شيرين بكافة الطرق وأنه بدأ مخططه منذ عام 2007 مضيفة "فنانة صديقة لما نشرت تسجيل صوتي وبعدها مقابلة شيرين وحدثت ضجة، قالت لي كان بيجي لحد عندي في 2007، 2008، من وقتها بيلاحق شيرين، حتى كان بيلزق فيهم، شيرين أكتر من مرة كانت بتقولهم، ده مين؟، ده معانا على طول ليه؟، كانوا بيقولوا لها معلش، كانوا بيشفقوا عليه، ما كانوا عارفين إن عنده خطط، ومستعد يعمل أي شيء للسطو عليها".

شيرين عبد الوهاب في صاحبة السعادة

وأضافت: "لاحظوا إن شيرين أعلنت اعتزالها 2016 ورجعت لما تزوجته، طبعا هبط عليها، وعرف إن فريسته كانت جاهزة، ووقتها طلعت قالت، حسام حماني وطبعا كنت مدمرة ورجعني وساعدني، الضحية فكرت كده، وقتها إحنا مكناش نعرف مين حسام؟ وعايز يعمل إيه؟، إلى أن قعدت في البيت واختفت".

شيرين عبد الوهاب في حفل جامعة مصر

وأضافت: "إذن عرفنا شيرين قبل حسام ومع حسام، إيه الأعمال التي قدمتها شيرين وقت وجود حسام؟، ولا حاجة، لما طلقته وكلمتني، بدأت بنفس اليومين وكانت قصت شعرها عشان يحل عن سماها، لإن كان بتهدده، صراحة اللي قالتهولي وقتها، مش هقوله، تطلع هي تقوله، غير اللي هو قاله وبيقوله، أنا مبقدرش اسمعه، بين الكذبة والكذبة في كذبة.. شيرين كانت بتصرف على حسام وعلى أمه".

شيرين عبد الوهاب وابنتها هنا

وأكد نضال الأحمدية أن الفنان حسام حبيب اختفى لمدة 4 أيام منذ دخول شيرين المستشفى للهروب من الفحص الطبي الذي كان سيثبت إدمانه، مضيفة "حسام حبيب شخصية نرجسية، وده مرض بده يحكم على كل شئ، وهذا الشخص لما بيمسك ضحية بيفضل يستمتع وهو بيمص دمها، انت سبت شيرين ليه وليه مخدتهاش على المستشفى أو سفرتها برا شيرين عبد الوهاب في 2014 كانت بتبعتلي دوا وكان أعشاب هو ده اللي كانت بتاخده فهل كانت مدمنة قبل حسام".

وأشارت نضال الأحمدية إلى أن حسام حبيب كان يعاير شيرين بعدم معرفتها الانجليزية مضيفة "نقطة مهمة كتيرة هحكيها للشعب المصري والعربي واللبناني، حسام حبيب كان بيعاير شيرين إنها مش بتعرف إنجليزي، حتى وصل إن يقنعها إن هي غلط إنها مش بتعرف إنجليزي، هي غلط يعني هي مين؟، إنها وحشة مبتعرفش إنجليزي".

وأضافت: "بيطلع يتكلم إنجليزي، إحنا بنتعلم اللغة لإننا محتاجينها علشان نهرب من لبنان بعكس ما يحدث في مصر، حسام مبيعرفش التاء القصيرة من التاء المربوطة، شوفوا كتاباتوا، ما بيعرفش لغته، عقد شيرين، أحكي أنا وياها ليل نهار، أقسم بالله شيرين عندها ذكاء فطري، اللي يعرفها بس هو اللي يعرف ده".

اقرأ أيضا:

محمد فاضل عن انتقادات ظهور فردوس عبد الحميد بدور أم نجيب الريحاني: في ناس متربصة ودا بيحصلنا من 30 سنة

بعد 3 سنوات من الانفصال ... طليقة سعيد الماروق تتهمه بالتعنيف والأخير يتخذ الإجراءات القانونية

سام حبيب يرد على اتهامات يوتيوبر بمحاولة التحرش به

الشركة المنتجة لفيلم "جروب الماميز" تحرر محضرا ضد غادة عادل

لا يفوتك - تحليل النغمات مع عمك البات- أفضل 10 أغاني في صيف 2022

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5