حمو بيكا لعامل النظافة صاحب واقعة محل الكشري: عندي ليك مفاجأة كبيرة

مروة لبيب | فى حياة المشاهير

حمو بيكا

الأحد , 23 أكتوبر 2022 - 14:10

وجه مطرب المهرجانات حمو بيكا رسالة لعامل النظافة الذي مُنع من الجلوس وتناول الطعام داخل إحدى فروع محل كشري شهير.

وكتب حمو بيكا عبر صفحته بموقع التواصل الاجتماعي Facebook: " محمد الجدع " ..وياريت يكون ده اسم شهرتك في الدنيا بعد كده ، عشان انت جدع بجد و تستاهل كل خير، و رسالة من اخوك حمو بيكا، انا معاك يا حبيبي في اي حاجه محتاجها في حياتك من الألف إلى الياء ، و ماتشغلش بالك ب اي حاجه، احنا كلنا في ضهرك و مش هنسيبك لانك مثال للإنسان الشقيان و طالع عينه في الحياة عشان يجيب الجنية بعرق جبينه، ربنا يوفقك في حياتك و اتمني اشوفك قريب و ليك عندي مفاجأة كبيرة اوي و إن شاء الله تعجبك يا حبيبي يا جدع".

منشور حمو بيكا عبر فيس بوك

نرشح لك: دنيا بطمة تضبط زوجها محمد الترك متلبسا بالخيانة وتهدد بنشر صورة الفتاة

وانتشر مقطع فيديو مساء الجمعة عبر مواقع التواصل الاجتماعي يوضح رفض إدارة فرع أحد محلات الكشري جلوس أحد عمال النظافة داخل صالة المطعم، وهو ما لاقى انتقادات واسعة لهذا التصرف.

وأصدر محل الكشري بيانا أكد فيه أنه قام بالتحقيق في الواقعة، وأن ما حدث مجرد سوء تفاهم، وأن هناك صورا أخرى تظهر عامل النظافة وهو يحصل على الطعام"، كما أشار إلى قيام إدارة المطاعم بمعاقبة الموظف المسئول.

وأضاف البيان: "لا نعلم ما يحدث، هل هي أخطاء فردية أم هناك من يتربص بنا." .

من ناحية أخرى، أعلن حمو بيكا عن نيته للالتزام بتعليمات مصطفى كامل والضوابط الجديدة التي ينوي وضعها لمؤديين المهرجانات، وقال: "اللي يقوله همشي عليه، وأنا بعشق تراب مصر وبحب بلدي، نراجع الكلمة مرة وإتنين وتلاتة وتتعرض على المصنفات كمان".