والد حسام حبيب لابنه: خدت مني مليون جنبه ومبتعرفنيش إلا في المصلحة

مي جودة | فى حياة المشاهير

والد حسام حبيب مع ابنه وشيرين

السبت , 22 أكتوبر 2022 - 12:24 | اخر تحديث: السبت , 22 أكتوبر 2022 - 13:21

علق حسين حبيب والد الفنان حسام حبيب على تصريحات ابنه في برنامج "الحكاية"، فيما يخص كتابة شيرين لوصية تاركة كل أموالها وممتلكاتها لابنتيها.

كتب حسين حبيب في منشور عبر حسابه بموقع Facebook: "قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل".

شيرين وحسام حبيب

ملخص تصريحات حسام حبيب في "الحكاية": أنا طالع من بيت أمي على بيت شيرين.. ومازلت أحبها

منشور والد حسام حبيب

وتابع: إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك.

وأضاف: هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله، والدين النصيحة.

ورد حسين حبيب على تصريحات ابنه أنه لم يحصل على أي أموال من شيرين عبد الوهاب، كاتبا: "نت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، إسأل أبوك يقولك تقول إيه".

والد حسام حبيب يتهم ابنه بتدمير حياة شيرين

وأضاف: بتقول انك عمرك ما اخدت منها فلوس وانك ما بتشتغلش 4 سنين كنت عايش على قفا مين، وهي قالت لي يابابا انا عايزه اتجوز راجل يصرف علي، وقلت له عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، أخدت مني مليون جنيه عشان تشطب فيلتك وما تعيش في بيت مراتك وها اردهملك ومن ساعه ما اتطلقت، وأنا بصرف عليك ورايح تقول لعمرو اديب وتهاجمني لتاني مره أنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتى سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك، بقالك سنة مطلقاها ما اشتغلتش ليه بطل حجج، وخليك راجل انت فعلا مش تربيتي، ست طلعت من بيت مامي على بيت مراتك"

منشور والد حسام حبيب

يذكر أن موقع "في الفن" كان قد انفرد بتفاصيل ايداع شيرين عبد الوهاب في مصحة نفسية من قبل عائلتها بالتنسيق مع الطبيب النفسي المشرف على علاجها من الإدمان.

وكشف مصدر مقرب من الفنانة في تصريحات خاصة لـ FilFan.com أن شيرين لم تكن تعاني من إصابة بقطع في الرباط الصليبي كما تردد مؤخرا، بل تم إيداعها في مصحة نفسية بمنطقة مصر الجديدة بعد تعرضها لاضطرابات نفسيه حادة.

حسام حبيب وشيرين عبد الوهاب

وأكد المصدر أن شيرين عبد الوهاب علقت كافة ارتباطاتها الفنية خلال المرحلة القادمة نظرا لما تمر به من ظروف صحية ونفسية لا تسمح لها بالعمل لحين تماثلها للشفاء.

كانت كريمة أبو زيد، والدة الفنانة شيرين عبد الوهاب، قد استنجدت بالإعلام من طليق ابنتها حسام حبيب ، وقالت في تصريحات مع الإعلامي عمرو أديب عبر برنامج "الحكاية": "حسام حبيب ده شر أنقذوا بنتي منه وبتسهروا هما الاتنين يشربوا مخدرات وأنا اللي طلبت من ابني إنقاذ أخته".

شيرين عبد الوهاب ووالد حسام حبيب

نفس التصريحات أكدها شقيقها محمد عبد الوهاب الذي اتهم حسام حبيب صراحة بدفع شقيقته للإدمان من أجل استغلالها ماديًا هو ومجموعة من أصدقائهما.

اقرأ أيضا:

تامر حسني وبسمة بوسيل يحتفلان بعيد ميلاد ابنهما الرابع - صور وفيديو

حسام حبيب: خيرت شيرين عبد الوهاب بيني وبين المخدرات

سلوى خطاب لياسمين عز: لي صديقة آرائها تشبه أرائك المتطرفة .. واتجرجرت من شعرها

التعليق الأول لهنا ابنة شيرين عبد الوهاب على أزمتها

لا يفوتك: المطرب أحمد فريد صاحب أغنية "لو جاي في رجوع" في حوار خاص مع "في الفن"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5