نصر محروس: مش هنسيب شيرين لشلل تنهشها وأنا تحت أمرها وخدامها

محمد سلطان محمود | فى حياة المشاهير

شيرين عبد الوهاب ونصر محروس

الثلاثاء , 18 أكتوبر 2022 - 01:48 | اخر تحديث: الثلاثاء , 18 أكتوبر 2022 - 02:11

أكد الفنان مصطفى كامل نقيب المهن الموسيقية والمنتج نصر محروس أنهما لن يتركا الفنانة شيرين عبد الوهاب قبل التأكد من تخطيها لأزمتها الحالية.

وقال مصطفى كامل إن النقابة سوف تدعم الفنانة شيرين عبد الوهاب بكل السبل المتاحة، بعد دخولها المستشفى للعلاج من الإدمان، وأوضح في مداخلة عبر الهاتف جمعته هو ونصر محروس مع الإعلامي عمرو أديب ببرنامج "الحكاية" أنه اتفق أمس مع الفنان أحمد سعد على اصطحاب الفنانة أنغام وعدد من الفنانين لزيارة شيرين في المستشفى ورفع روحها المعنوية.

نرشح لك- رمضان 2023- محمد هشام عبية لـ "في الفن" : مسلسل "علاج طبيعي" مختلف تماما عن "بطلوع الروح" ... ومنة شلبي لن تقتل أحد خلال أحداثه

وأشار كامل إلى أن نصر محروس يتواجد معه في منزله لتسجيل فيديو يدعمان فيه شيرين عبد الوهاب، وقال: "أنا تحت أمر شيرين في أي حاجة تطلبها".

وبدأ نصر محروس حديثه مع عمرو أديب مؤكدا أنه تواصل مع شقيق شيرين عبد الوهاب لفهم طبيعة حالتها، مؤكدا: "إحنا جنبها ومش هنسيبها لشلل تنهشها وتبهدلها، شيرين بنت كل بيت في مصر، كل الناس بتحب شيرين وبتسمع شيرين".

وتابع: " في شلة حواليها هي اللي وصلتها لكده، مش لوحدها، مش زرع شيطاني طلعت كده"، رافضا ذكر أسماء الأشخاص المقصودين.

وأكد نصر محروس: "أهم حاجة عندي أن شيرين يوم ما تفوق من اللي هي فيه، هتبعد عن كل ده وهترجع تاني وتغني وتفرحنا ونفرح بها، وهنقف جنبها ومش هنسيبها".

ورد عمرو أديب قائلا: "شيرين ماقابلتش في حياتها رجل يقف جنبها، أنت الرجل الوحيد اللي ممكن تقف جنب شيرين"، ليجيبه نصر محروس: "وأنا عمري ما هسيبها، أنا تحت أمرها وخدامها لغاية ما تقوم من الوعكة اللي فيها، والأستاذ مصطفى لما جت له قال لي أنا والمجلس معاك قلبا وقالبا، وإن شاء الله هيبقى في أخبار كويسة عن شيرين قريب".

وتدخل مصطفى كامل قائلا: "نداء لكل زملائنا إن إحنا نجتمع ونروح لشيرين زيارة ندعمها ونقف جنبها وندعي لها وندعي لأولادها"، ليقاطعه عمرو أديب موضحا: "يبقى في أحسن لو 3 أو 4 أفراد لو المستشفى وافقت"، وأجابه نصر محروس مؤيدا: "ممكن يكون الزيارة ماتنفعش لكن اللي ضامنه حاجة واحدة، طول ما في نفس يدخل ويخرج أنا تحت أمر شيرين في الموضوع ده ومش هبعد عنها، ومصطفى كامل حط إيده في إيدي ومش هنسيبها".

وأكد نصر محروس: "من كان منكم بلا خطيئة فليرجمها بحجر، شيرين بنت كل بيت في مصر، صوت بيغني في قلوبنا".

مش هنسيب شلل تنهش في شيرين احنا جنبها وهنزورها بكرة المداخلة الكاملة لمصطفى كامل نقيب الموسيقيين والمنتج نصر محروس لدعم شيرين
تقدر تشوف الحلقة كاملة على شاهد (اتفرج ببلاش)https://t.co/0Ym38dxMln #الحكاية #MBCMASR pic.twitter.com/yhSgS44Adx
— الحكاية (@Elhekayashow) October 17, 2022