ياسمين صبري تتحدث عن تطبيقات المواعدة وتعطي دروسا في "علم الطاقة" وكيف حولت تعليق "مش ذكية" لمكسب كبير

نهال ناصر | فى حياة المشاهير

ياسمين صبري

الجمعة , 14 أكتوبر 2022 - 13:10 | اخر تحديث: الجمعة , 14 أكتوبر 2022 - 13:10

من جديد شاركت الفنانة ياسمين صبري في نقاشات مع جمهورها عبر Twitter بجلسة حوارية عبر خاصية "سبيس" التي يتيح الموقع من خلالها فتح دردشة مباشرة مع المتابعين.

وكان الكاتب تامر عبده أمين قد أطلق "سبيس" للدردشة وتبادل الأفكار عبر حسابه على موقع Twitter بعنوان ممكن تلاقي شريك حياتك الصح من الـ dating apps أو تطبيقات التعارف؟

وكان لياسمين صبري رأيا مختلفا عن أغلب المشاركين في الحوار، الجميع كان يتحدث عن هذه التطبيقات وفكرة اكتشاف الشخص، لكنها كانت تنظر للموضع بنظرة أخرى وقالت: احنا بنتكلم عن تطبيق للتعارف في الوطن العربي ومصر يعني مع مصريين ورجال شرقيين، الراجل الشرقي في قلبه هيبقى ضد أنه عرف مراته أونلاين وهيبقى ضد جدا أنه خرج معاها علشان كلمها من الإنترنت وخياله هيفضل يقوله بصوت خافت هي نزلت مع مين قبل كده وحصل إيه، طريقة التعارف نفسها هتبقى مشكلة، الجواز حاجة كبيرة وعمر طويل حاجات بنبنيها مع بعض هتكتشفوا حاجات مع بعض لكن هتلاقي الرجل مرة يقولها أنا عرفتك من الإنترنت كأنها إهانة دي مش أصلح طريقة أحنا في النهاية مجتمع شرقي مسلم متدين "حتى لو مش بنصلي الخمس فروض الدين دا في الجذور" هيبقى نقطة بالسالب للبنت، الولد لما بيدخل على التطبيق عشان يتعرف على حد مش بيكون جدي، واحد في المية بس اللي بيكون بطريقة جدية لكن الباقي تسالي أو حد خارج من علاقة وبيسلي نفسه، ممكن البنت أه تفكر بطريقة تانية 50% منهم ممكن يكون داخل التطبيق وبيفكر بطريقة جدية.

نرشح لك: أسماء جلال زوجة معاوية بن أبي سفيان في مسلسل "معاوية" برمضان 2023

تغيب ياسمين صبري عن الشاشات منذ فترة لكنها تتواصل مع جمهورها دائما

وتطرقت ياسمين صبري في حديثها عن علم الطاقة الذي تدرسه وأعطت للجمهور بعض النصائح كما تحدثت عن التعليقات السلبية التي تتلقاها وكيف تحولها إلى طاقة إيجابية، وقالت: أنا ست مشهورة وكل واحد بيقول رأيه كل دقيقة واحد يقول مش ذكية وواحد يقول هي فاضية وواحد يقول خدت كل حاجة بسهولة ومحظوظة لو طاقتي أضعف من كل دا هاخد الكلام وأقول أنا مش في مكاني وعندهم حق، وأعيش الفكرة وأضيع النعمة اللي ربنا أدهالي، واخليها نقمة، أمتى أبقى قد الموضوع وطاقتي أكبر لما أقول مش مهم واللي يقول يقول وأحول طاقة الحسد لبركة ورزق وجمال وأقول يارب حول كل حاجة سلبية جيالي من أشخاص لبركة وعوضهم خير ليا وليهم، وبتمشي، أنا بعلى وبكسب والبراندات تطلبني والمسلسلات والأفلام تتعرض عليا من كتر ما الناس بتتكلم عني.

وفي أي لقاء تتحدث عن علم الطاقة

وقدمت ياسمين صبري نصيحة لجمهورها قائلة: سواء بنت أو ولد لو عاوز حاجة معينة اسأل إزاي أوصلها وحط دايما في نهاية الكلام علامة استفهام متحطش طلب ونقطة، واسأل دايما إزاي اكون النسخة الأفضل مني.

ولم تتوقف عند هذا الحد وأعطت ياسمين صبري أمثلة لأشياء تعرضت لها وكيف تحولت من الطاقة السلبية إلى إيجابية وحكت عن فترة تعرضت فيها لحادث وأصيبت برباط صليبي وقطع في الغضروف، ولم تشعر بأي شيء إيجابي إلى أن أدركت أنه بسبب هذه الحادثة تغيرت حياتها ووصلت لأشياء أفضل.

وتقدم ياسمين صبير نصائح لجمهورها لتساعدهم للوصول إلى ما يحتاجونه

وطلبت ياسمين صبري من جمهورها مشاهدة فيلم limitless وقالت إن فكرته تدور حول كيف يتغير الإنسان ويصل النسخة الأفضل منه، كما تحدث عن أعمال أخرى تابعتها منها black mirror، وفيلم blonde عن قصة مارلين مونرو، وكتاب think like a man act like a lady.

وعن فكرة أن المرأة ضحية ونظرة المجتمع لها قالت ياسمين صبري: سعيدة أن ربنا خلقني ست الست عندها قوة أكبر من الرجل لكن قوة ناعمة مش بالدراع والصوت، ربنا أدالها مميزات كتيرة، في فرق بين القط والقطة، القطة الانثى تصرفاتها غير القط وهما معندهش العقل اللي ربنا أدهولنا، أبدا عمرها ما كانت الست ضحية ومش الهدف أنها تعمل عقلها بعقل الراجل احنا بنكمل بعض لازم أبقى عارفة احنا بنكمل بعض ازاي.

واختتمت كلامها بالحديث عن علم الطاقة مجددا وقالت: في علم الطاقة الفوضى هي التي تبني الحياة وليس الاستقرار، أي شخص في حياته فوضى وتغيير بعدها يحدث نقلة كبيرة وتغيير، الكون تكون في فوضى انفجار حدث دينيا وعلميا هذا حدث مكنش يوم عادي وفجأة بقى في كون، انفجار أدى إلى حياة.

ياسمين صبري

يشار إلى أن ياسمين صبري غابت هذا العام عن دراما رمضان 2022، وكان آخر أعمالها مسلسل "فرصة تانية" معالجة دراما محمد سيد بشير وتأليف مصطفى جمال هاشم وإخراج ‏مرقس عادل وإنتاج شركة سينرجى، وبطولة أحمد مجدى، أيتن عامر، هبة مجدى، دياب، إدوارد، محمود البزاوى، هبة عبد الغنى، ‏سارة الشامى، محمد أبو داود، أحمد الشامى، نهال عنبر، عمر الشناوي.

اقرأ أيضا:

عمرو مصطفى: المطرب اللي مابيلحنش مش فنان ... وعبد الحليم حافظ كان وراه جيش كبير

"يا ختي عيشي عيشة أهلك" ... مي حلمي تهاجم ياسمين الخطيب بسبب ياسمين عز

"يحتفظ بجيتار جده" ... تامينو حفيد محرم فؤاد لقبوه في أوروبا بـ"صوت النيل الجديد" فما قصته؟

في حب سمير غانم.. شاب يستغل الشبه بينه وبين النجم الراحل في تقديم مقاطع Tik Tok

لا يفوتك- حلقة خاصة بمناسبة عيد ميلاد الهضبة عمرو دياب

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ