منى عراقي تصرخ: مش هتجوز في السر تاني

مي جودة | فى حياة المشاهير

منى عراقي

الخميس , 13 أكتوبر 2022 - 12:35 | اخر تحديث: الخميس , 13 أكتوبر 2022 - 13:41

خرجت الإعلامية منى عراقي في فيديو جديد عبر صفحتها الرسمية بموقع Facebook لتوضح من جديد حقيقة زواجها من أيمن رشوان مقدم برنامج "الدكتور".

قالت منى عراقي: "إيه القرف اللي أنا فيه ده؟ كل دا بيحصلي ليه؟ أيه المهم في قصة جوازي وارتباطي أنا بقالي أكتر من يومين ما بنمش ونفسيتي اتدمرت عشان قررت أعلن عن حياتي الشخصية، وأنا مش عايزة أتجوز في السر تاني، خلاص ولادي كبروا أخبي ليه؟ وقالوا لي بلاش ترتبطي في السر، ولادي قالوا لي خلاص دلوقتي مفيش داعي".

منى عراقي وأيمن رشوان

هل تزوجت منى عراقي؟ العروس تثير الجدل والعريس ينفي - فيديو

وأضافت: ولما حد بيسألني كنت بقوله هتجوز قريب، والسؤال اللي دمر نفسيتي هو مين؟ وأرد في الوقت المناسب هقول لكم، إنت مالك؟ أنا حرة أقول وقت ما أنا عايزة وحرة أقول مين، عشان حياته ماتبظش وحياتي أنا هعلن في الوقت المناسب.

منى عراقي وأيمن رشوان

وتابعت: وفي فرح سالي، وروحت سلمت على أيمن رشوان وميلاد أبي رعد، عشان دول أقرب ناس لي في الفرح، وقالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم، أهروا، شوية وهتلاقوا هراية تانية، وتلاقوا حد يلهيكم.

واستكملت: اللي عرفني الخبر صديقي ميلاد أبي رعد، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن بقاله 3 أيام، وبيسألوا اتجوزت مين، إنت مالك؟، خلصت القصة.

منى عراقي وأيمن رشوان

اخترع برامج الأطباء ومنى عراقي ورطته في خبر زواج .. من هو أيمن رشوان؟

واستطردت قائلة: "يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا، وتطلع قناة المفروض إنها محترمة ومهنية تقول مش الكدبة الأولى؟ إيه الهم دا؟ أنا ياما عملت شغل وولا حد عبرني، وياما عملت نجاحات ولا حد سأل فيا، وياما كان عندي أزمات صحية ونفسية ومعنوية ومحدش قالي إنتي فين، ليه خبر جوازي يقلب الدنيا، انتم مالكم؟

منى عراقي وأيمن رشوان

ولم تتمالك منى دموعها في آخر الفيديو، قائلة: "أنا مش عايزة أقول هو مين، وكل اللي يهمني أقوله إنه مش أيمن رشوان، وقُلت ده من ساعتها، إيه القصة؟ مين يجي يخلصني من التريند بتاعي ده؟ ولادي تأذوا وحياتهم اتلغبطت والله أعلم بحاله، والقصة تافهة".